人生中總有些時刻你會需要跨境匯款,可能你是要移民、要到海外留學、Exchange,又或只是單純地想將資金轉移到海外。如果經銀行匯款的話往往都會有高額手續費,Wise(前稱 TransferWise)則提供了一個收費低廉、透明且高效的跨境匯款方法。

另外,之前也介紹過申請 Dukascopy 離岸戶口,成功開戶後需要存款到賬戶內以激活戶口,而存款方式可涉及跨境匯款的步驟,而以下的這篇教學就會以此為主要例子,示範如何用 Wise 將資金由香港銀行匯到位於瑞士的 Dukascopy 銀行賬戶。

但不論如何,即使你不是要申請 Dukascopy 戶口都好,以 Wise 進行匯款的手續都是大同小異的,就只是收款人會有不同而矣,也還是可以參考以下的教學;而在附錄裡也會簡單示範以 Wise 匯款到 Monzo 銀行戶口。


什麼是 Wise?

Wise(前稱 TransferWise)由兩個在倫敦居住的愛莎尼亞人(Estonia)創立。

在創辦 Wise 之前,創辦人之一 Taavet 是以歐羅(EUR)出糧的,但他定期需要一些英磅(GBP)來支付他在英國的開銷啊;另一個創辦人 Kristo 是以英磅出糧的,但他則定期需要一些歐羅來支付他在愛莎尼亞的房貸。

與其各自透過銀行將手上的貨幣轉換成另一款貨幣,給銀行賺一筆匯率差價與手續費,他們決定合作。

Taavet 用歐羅出糧後,就直接將約定的金額存入 Kristo 在愛莎尼亞的歐羅戶口;而 Kristo 用英磅出糧後,將等值金額存入 Taavet 的英磅戶口。而對於我們來說,Wise 會成為我們的那個 Taavet/Kristo,幫我們省卻跨境匯款的手續費與價差。

至於這間公司的背景? Wise 在官網提到它在過去 8 年已經服務了 4,000,000+ 客戶,每月處理的款項為 40 億美金;更詳細的背景介紹可見 Wikipedia

前往 Wise 官網

ps. 如果有問題/想跟大家分享你相關的經歷的話,歡迎在文章的底部留言!而你也可以免費訂閱 FlyAsia 的電子報以定期接收更多類似的教學!


Wise 匯款教學

事前準備

在以 Wise 匯款前是有些準備功夫的,你最好先行:

  • 將想要匯出的款項存入本地銀行備用;
  • 開通本地銀行的網上銀行服務
  • 獲取收款人的銀行戶口資料

不然的話,Wise 也是有支援以信用卡簽賬去進行匯款啦,但是手續費會較貴,也失去用 Wise 的原意啦。

前往 Wise 官網


查詢 Wise 手續費

這次來測試透過 Wise 由香港匯款 EUR100 到瑞士的銀行戶口。

在匯款時,Wise 並不是不收手續費的!就只是它的手續費通常會比銀行的收費便宜,所以在匯款前我們可以先行了解自己常用銀行的收費標準,而 Wise 也有在收費的頁面幫我們簡單比較主要銀行的收費供參考用。

比較過後,用 Wise 去匯約 EUR100 就只需將 HK$927,比起用 HSBC/恒生去匯款節省了約 HK$57 的手續費與匯率差價。 

(圖片可以點擊放大,而且每張圖片都紀錄了相關步驟的詳細操作。)

前往 Wise 官網


填入收款人資料

跟在銀行匯款時一樣,我們同樣要知道收款人的名稱、IBANSWIFT 代碼這些資料。如果你並不是為了申請 Dukascopy 離岸戶口才讀這篇教學的話,可以跳過這幾張圖片。

(圖片可以點擊放大,內有相關步驟的詳細說明。)

在獲得 Dukascopy(或其他海外銀行戶口)的匯款資料後,我們就只需要將它搬字過紙到 Wise 就可以了。提交後即可建立匯款交易,而我們就會看到 Wise 在香港的收款戶口、與相關戶口的賬戶資料。

(圖片可以點擊放大,內有相關步驟的詳細說明。)


本地銀行 FPS 轉賬

這個部份每間銀行的操作方式都不一樣,以下會示範的是以 HSBC 進行本地轉賬時的操作。如果你是用其他銀行,你也可以使用「xx銀行 FPS 付款」這幾組關鍵字,Google 出相關的教學。

透過自己銀行戶口轉賬支付 Wise 的匯款金額時,要記得填上指定的備註內容(Reference)以作識別。

選擇以轉數快付款後,又是一輪搬字過紙的過程,將 Wise 提供的銀行資料填入 HSBC 的介面裡,當中最最最重要的是在備註欄填入由 Wise 提供的識別碼。

至於為什麼要用 FPS 轉數快?因為透過轉數快在香港的銀行間轉賬是免手續費的(有限額)!那當然要用啦!所以 Wise 要收 HK$927.26 的話,我就只需只轉賬 HK$927.26 給它就可以了。


等待匯款完成

Wise 的網頁或手機 App 都可以讓我們隨時看到匯款的進度。

做完以上的步驟,我們的工作就已經完成,剩下來可以做的就只剩下等待,讓 Wise 完成它要完成的手續。而用 Wise 的另一個好處就是它很透明,它會讓我們知道目前的進度,好讓我們更好地掌握到時間。最後 Wise 成功在同日的下午便完成匯款,的確能跟上時間表啊。(這次的測試是在星期三進行,如果是在週末用 Wise 匯款的話可能需要多一點時間。)

(圖片可以點擊放大,內有詳細說明。)

以上就是以 Wise 進行匯款的步驟與教學了。

Wise 完成匯款後,亦已可在 Dukascopy 賬戶見到匯款款項。

最後,透過 Wise 匯款歐羅到 Dukascopy 銀行戶口能依時完成交易,而且款項全數收妥,大概是因為過程中沒有被中間行徵收任何手續費。

前往 Wise 官網


總結

日期 時間 事項
24MAR2021 11:50 am 成立 Wise 匯款交易
24MAR2021 11:57 am 轉賬到 Wise 的香港賬戶
24MAR2021 12:00 pm Wise 表示收妥款項
24MAR2021 2:40 pm Wise 正在處理匯款
24MAR2021 5:45 pm Dukascopy 顯示款項已入賬
24MAR2021 6:15 pm Wise 表示已完成匯款

將所有流程總結,我們就可以得出以上的 Timeline。需要留意一點,這篇教學著重的是如何使用 Wise 來匯款,而這個功能是用香港地址去開戶就能用到。

如果你是為了一個離岸戶口才去開 Wise 賬戶的話,你需要的是《實測 | 英國版 Wise Borderless 賬戶 + Wise Debit 卡申請教學》這篇教學。

前往 Wise 官網


其他相關


常見問題

香港人可以使用 Wise 嗎?

可以,我們可以憑香港特區護照、香港電話和香港地址去申請 Wise 賬戶,開戶後就可以使用匯款/收款服務。但香港賬戶並未能使用 Wise Borderless 賬戶,即不能把錢留在 Wise 這個平台上。

香港賬戶可以使用 Wise Borderless 功能嗎?

不能,香港賬戶並沒有 Wise Borderless 功能,也就是不能將錢存在 Wise 這個平台裡。但是香港的賬戶依然能夠幫我們進行匯款、收款的服務。

Wise 有 Debit 卡可申請嗎?

香港版的賬戶並不能申請 Wise Debit Mastercard,但是英國版的賬戶則可以申請,詳見內文教學。

Wise 安全嗎?

於我而言,我在過去 1 年間用了超過 20+ 次 Wise 的匯款服務,當中並未有遇到什麼大問題,每次都有依時收款。如果你有疑慮的話,也可以先試匯一筆細金額的款項,測試無誤後才繼續使用。


附錄 | 實測匯款至 Monzo

Monzo 算是最容易開設的離岸戶口,而將資金由香港搬到英國時也同樣可以用上 Wise。以這次的實測計,將 GBP100 由香港匯到英國就只需 HK$9 的手續費,而匯款則在 5 分鐘內到賬。

(圖片可以點擊放大,而且每張圖片都紀錄了相關步驟的詳細操作。)

而匯款時有一點值得留意,在 Wise 填寫收款人時要照著 Monzo 的匯款頁面上的資料填寫(因為系統會省略 Middle Name 的關系,在 Monzo 的系統中「陳大文」的英文名會是 Man Chan。)

  •  
  •  
  •  
  •  
  •  
  •  
  •  

ps. 如果有問題的話,歡迎大家在文章的底部留言,我們會定期回覆留言!

回到 FlyAsia 首頁

41 thoughts on “【實測】香港版 Wise 跨境匯款教學 | 前稱 TransferWise

  1. Amy says:

    我之前開咗個balance ac,係香港銀行轉左啲錢入去美金戶口,但wise話我地址有問題最後close咗我個balance ac,搞到依家啲美金kick左入面,想問知唔知點將USD轉返HKD,同入返落香港銀行戶口?
    Thanks

  2. JJ says:

    在德國的朋友,每個月都會轉二千歐羅到我香港戶口。我哋嘗試用Wise, 但wise答話我的香港戶口沒有IBAN”
    號碼不能轉歐羅過來。有冇試過,可以點做?
    我而家用paypal,但收費貴,仲要hold·住錢21日才過數。

    • 林扁 says:

      所以佢係手持歐羅,打算用 wise 轉歐羅入落你香港嘅銀行戶口? 如果係咁嘅話,唔得都好正常 😂

      如果要 make it work,你收款果陣要用歐羅以外的幣種去收,而係香港生活嘅我地 most probably 會選擇港幣~ 即係友人照匯歐羅俾 Wise,Wise 會直接以港幣存入我地戶口~

    • JJ says:

      Wise係話我無IBAN number, 已經拒絕做匯款,不是收歐羅或港元的問題。
      請問由德國用wise轉錢到香港,如果冇IBAN number, 可以點填銀行資料?

    • 林扁 says:

      https://www.flyasia.co/2020/05/20/transferwise-eur-to-hkd/

      (Comment 似乎 show 唔到圖庫,所以要 Click Link 先 show 到圖,圖入面再有詳細 Description)

      我啱啱有㩒過一次個 APP,個流程係匯歐羅、變做港紙匯香港,應該就可以模擬到你個情景~ (我個 transferwise acc 係英國 acc 而唔係德國嚟,但應該唔影響測試結果)
      而匯錢果陣佢都只係問收款人個香港銀行戶口號碼、或者係 FPS ID,個 Flow 度亦都見唔到佢有問我地 IBAN 號碼 wor~

    • FlyAsia 編輯部 says:

      可以由英國銀行戶口轉英鎊入 Wise 度用,而如果你係用 bank transfer 去做嘅話,Wise 果邊係冇手續費要收,但係由銀行匯出去果下可能就會有銀行自己嘅手續費要收~

    • Anita says:

      謝謝答覆,但我意思係指櫃圓機入現金英磅去wise,要否手續費?因想帶部份現金去英國

  3. YW says:

    已申請了Wise賬戶,想從本人在香港中銀港幣賬戶,匯錢到本人在泰國的盤谷銀行的泰幣賬戶,請問有匯款上限嗎? 本人將為泰國的兒子支付學費和置業啊! 謝謝

    • FlyAsia 編輯部 says:

      有上限,官網說單筆匯款上限是 2mil THB

      //How much can I send?

      You can send up to 2 million THB per transfer.//

  4. acupof says:

    你好呀,
    我嘗試匯款畀日本朋友, 但佢就X咗我呢個item “we can’t accept international bank details for a swift transfer”, 當中發生咗咩問題…… 你教嘅事前準備都已經做好晒 ><

    • FlyAsia 編輯部 says:

      lee 個問題係出現係邊個位?填收款人 bank acc 果陣?

    • SL says:

      我都有呢個問題,所有野入好哂,等佢過數,第2日就出呢句,朋友本身用Japan Post Bank,佢個system係有得揀的,而家換三井都係pending中。

    • FlyAsia 編輯部 says:

      咁搵搵 TransferWise CS 睇睇可以點拆啦唯有~

      係 APP 度㩒翻筆相關嘅 transaction,之後右上角有個 ? 可以㩒,㩒完拉到底就可以留 message 搵到 CS~

  5. hong838 says:

    我想香港寄錢去大陸比親人 點解寄左之後話寄唔到
    係咪因為佢係香港人無大陸身份證?
    有無解決方法?

    • 林扁 says:

      ummm… 香港既話你試下 search PAOBank~ 聽聞佢可以網上開公司戶口,但我冇實測過~

    • FlyAsia 編輯部 says:

      我自己前後用左 10 次 TransferWise 黎匯錢,so far 未遇過咩問題。如果你有疑慮既話,可以匯小小試下先~

  6. aaa says:

    想問下如果本身已經喺香港銀行換咗澳幣,係咪唔可以就咁用transferwise轉去澳洲戶口?要換返做港紙先?
    因為我用transferwise嘅時候,佢冇得俾我用澳幣換澳幣

    • 林扁 says:

      正確,要用澳紙以外既貨幣先可以經 transferwsie swap 到 d 澳紙入去澳洲 acc~

    • FlyAsia 編輯部 says:

      冇試過,如果你想試既就⋯ 等你試完 report 翻大家 :p

    • FlyAsia 編輯部 says:

      我冇實測過 lee 個 case~ 或者問問 transferwise CS 睇下係咩原因?

  7. kung1202 says:

    想問下如果想用港幣轉做日元,係咪一定要係日本有銀行戶口先得?因為我除咗開戶過到少少日元落TW戶口(恒生匯CHF落TW, TW再換番日元俾我)外,而家好似再加唔到日元落去

    • kung1202 says:

      我係前者呀, 香港saving + 香港外幣戶口, 咁即係話如果冇日本本地銀行戶口, 唔可以利用transferwise換錢? 其實我本身都係恆生買賣外匯, 提出黎當地用既, 不過前排出國見都幾多國家開始唔收cash, 想睇下可唔可以用transferwise直接唱錢落去個virtual account度, 去到當地就用佢張debit card消費…..係呼我concept錯左呢?

    • FlyAsia 編輯部 says:

      所以你係用 transferwise borderless account? 係既話我就唔 sure 個實際操作係點啦,因為我係用香港 Passport setup 個 TransferWise 賬號,而香港係未有 TransferWise Borderless 功能的~

    • kung1202 says:

      多謝你既回覆, 想問下小編係咪而家暫時冇一張卡能夠做到直接兌外幣落去Virtual Bank Account, 再當debit card contactless 消費? (如果只得HK戶口) Thanks. 因為見英國好方便, 拎張Monzo就可以做日常消費, 唔夠就用App過$落張卡度~

    • FlyAsia 編輯部 says:

      以我所知係香港 market 暫時未見到 monzo Lee 類 product~

      睇你有冇接觸 cryptocurrency,有既話就可以用 MCO 膠卡、Wirex lee 類 product,可以做到入外幣落去,再用張 debit card 消費,而過程中係可以唔買任何 cryptocurrency 既(但 rebate 會係以 cryptocurrency 回俾你)

    • FlyAsia 編輯部 says:

      外幣轉港幣?照道理應該係填翻晒 d 資料、Submit 完就 okay,唔洗 cap-screen 果 d lol

發佈留言

發佈留言必須填寫的電子郵件地址不會公開。 必填欄位標示為 *