Wise（前稱 TransferWise）除了可以是個低成本跨境匯款平台外，它也可以是個離岸戶口，而且它還有提供 Debit 卡供提款用。不過要用到 Wise Borderless（前稱 TransferWise Borderless）這個離岸戶口的功能的話，我們並不能用香港版的 Wise，而是要用英國版 Wise。
這篇教學會說說如何從頭開設一個 Wise Borderless 戶口所需的文件、與及實測如何將香港版的 Wise 切換成英國版的 Wise 再申請 Wise Debit 卡（前稱 TransferWise Debit 卡）。
2021年4月28日 更新：最近有香港讀者從英國申請了 Wise Debit 卡，他拿到的是 Wise Debit Visa 卡而非之前的 Wise Debit Mastercard，但不變的就是張卡是能正常使用的。目前未知事件成因，有待進一步考究。
2022年2月7日 更新：最近有澳門讀者以澳門特區護照和 UKPostbox 地址申請 Wise Borderless Account 和 Wise Debit Visa 卡，最後有成功通過申請哦！他在 2022年1月10日申請卡，2022年1月19日以英國地址收到卡並同時申請轉寄，2022年2月5日就寄到澳門了！
什麼是 Wise Borderless 賬戶？
Wise（前稱 TransferWise）是間匯款公司，而不同地區的 Wise 有提供不同程度的服務。
舉個例，因為未有取得相關牌照，所以香港版的 Wise 就只可以用於匯款，而不能幫我們保管任何資金；但英國版的 Wise 除了可以提供匯款服務外，也有提供一項名為 Wise Borderless Account 的服務，可以將資金托管在它們的平台裡。
ps. 如果有問題／想跟大家分享你相關的經歷，歡迎在文章底部留言！
為什麼要申請 Wise Borderless 賬戶？
省卻 1.95% 外幣簽賬手續費
Wise Borderless Account 的概念就是我們可以將外幣（包括：美金、英鎊、歐羅、澳元、紐元等）先存在賬戶內，然後憑卡消費時就直接扣除該款外幣；而不是像用信用卡般要在簽賬時才按當下的匯率將港幣轉換成外幣。
例如我在 Booking.com 上以 EUR 75.5 預訂酒店，外幣交易的確實匯率為 9.0117，當中已包括銀行及信用卡組織所收取 1.95% 的 FCC 手續費。舉個例，今天我想買 NordVPN，兩年的收費約為 US$89。如果我的 Wise Borderless 裡面有美金，付款時就會直接扣 US$89。而像平日一樣用香港發行的信用卡去付款的話，我們就會需要經 Visa／Master 等網絡進行結算，當中發卡銀行就會收我們 1.5-1.95% 不等的外幣簽賬手續費，最後可能要依照 HK$8.00=US$1 的價格來付款。
這樣的設計的好處有二，一是不會被收外幣簽賬的手續費，因為我們根本不是用外幣來簽賬；二來是可以事先鎖定匯率，在港幣／美金強勢時先將外幣換好。
低門檻離岸戶口
Wise Borderless 賬戶是個離岸戶口，而且它沒有設最低存款要求，以致申請它的門檻極低。至於為什麼要申請離岸戶口？我想這點並不需要我去解釋吧？
提供基本的銀行服務
如果你有意移民英國的話，那麼 Wise Borderless 賬戶就更為有用。
以我自己的經驗為例，在英國當地找到心宜的租盤後，我們一般都要先交 1 個星期的租金作為訂金，好以暫時封盤並進行資格審查、信用審查等手續。那麼訂金要怎要交呢？我的經驗是要用 Debit 卡去交，也就是在電話裡告訴經紀我的 Debit 卡號碼、過期日、CVC，然後就交好了。而在這個情況裡，有一張能存英磅的 Debit 卡會方便許多。
開設好 Wise Borderless 戶口後，我們會有專屬自己的英鎊戶口，就跟平日的銀行戶口沒什麼兩樣。另外，這個英鎊戶口也可以有 Direct Debits、Scheduled Transfers 的基本功能！後續交租又要怎樣做？你當然可以一次過交一年份量的租金。另一種常見的做法就是設立一個直接付款授權（Direct Debit），讓系統每個月都自動轉賬給業主，而 Wise Borderless 賬戶有提供 Direct Debit 功能。
Wise 有提供存款保障嗎？
在 Wise Borderless Account 裡可以同時存放多款外幣。Wise 有受英國 Financial Conduct Authority（FCS）監管，但是 Wise 並未有、未有、未有提供任何存款保障。因此，在使用時請自行衡量相關風險。而我自己是傾向存放 1-3 個月的生活費在內，方便應急使用。
btw. 如果你覺得這篇教學對你有幫助的話，我想邀請你免費訂閱電子報，好讓我們可以定期寄送更多類似教學給你！
如何開設 Wise Borderless 賬戶？
如果想要一個 Wise Borderless Account 的話，我們就不能登記香港版的 Wise 賬戶，而是要登記成英國版的賬戶。在申請前，我們需要準備：
- 香港特區護照／BNO 護照
- 英國電話號碼 | 可以於英國電訊商 giffgaff 免費領取 SIM 卡
- 英國郵寄地址 | 可使用 UK Postbox 的轉寄服務
而將網頁的地區切換成英國之後就可以開始申請英國版的 Wise 賬戶。
如何將現有賬戶切換成英國賬戶？
我原本就只是想把 Wise 當成匯款平台使用，所以在註冊時我是註冊成香港賬戶。原本以為這樣就與 Wise Borderless Account 無緣，但後來我發現其實有方法可以將香港版賬戶切換成英國的 Wise Borderless Account。
英國版（GB）的賬戶可以 Wise Borderless 功能、並能為此申請一張 Wise Mastercard。而如果你的情況跟我一樣，除了剛才提到的英國地址與英國電話號碼以外，我們還需要多準備一份文件：英國地址證明。
因為之前我有用香港特區護照開設了 Monzo 虛擬銀行的賬戶，而我手上的 Monzo 月結單就可以當作是英國地址證明使用啦。不過現在是很難申請 Monzo 賬戶，所以我覺得可以試試用 giffgaff 的月結單作為地址證明，說不定也可以通過相關的地址驗證（此論點未經實測）。
（圖片可點擊放大，內有詳細說明。）
在切換地區前，我曾用 Wise 將資金從香港的銀行戶口匯到英國 Monzo 的銀行戶口，也用過 Wise 將 Monzo 的存款匯回香港；而在切換地區時，我是使用電腦（而不是手機 APP）來進行的，過程中並未有使用 VPN、未有使用英國的 IP 地址進行。
未知是否因為有過以上的轉賬活動，所以在更改個人資料時並未有被要求提供地址證明，就只需要我去驗證新的電話號碼。但參考其他網友經驗，在切換地區時是有機會要提供新地址的地址證明的。
2020年9月更新：使用了 Wise Borderless Account 幾個月後，突然間有一天被系統要求提供地址證明。而我提交了 Monzo 月結單作證明，然後就可以如常繼續使用 Wise Borderless Account 了。
申請 Wise Debit 卡教學
等了將近 2 個月才收到 Wise Debit 卡！付費領取
成功更改地區後，申請 Wise Mastercard （前稱 TransferWise Mastercard）其實就是件很簡單的事，就只是按幾個掣、再輸入一個收件地址就能完成的事，而這個過程會需要 GBP5 的手續費。
（圖片可點擊放大，內有詳細說明。）
如果你跟我一樣是用 UK Postbox 的地址去收件的話，則有兩點需要留意。
第一，UK Postbox 裡有分了兩組地址，一組為 Parcel Address，是剛才用來當住址用的；另一組為 Postal Address，是用來收件用的，也是領取 Wise Debit Card 時需要填寫的。
第二，如果你是使用 UK Postbox Pay G 的計劃的話，它有對每月可收取的信件數目設限，所以在申請前最好先在 Setting > Overview > Remaining mail allowance 一欄檢查一下是否仍能收信。
進行身份驗證
在完成付款後，我們就要上載身份證明文件作驗證用。而我是以香港特區護照作來進行身份驗證，雖然名義上要 2 個工作天才可以完成身份驗證的過程，但實際上就只等了 5 分鐘就完成了驗證。
（圖片可點擊放大，內有詳細說明。）
然後？然後就沒有了，就坐等收卡就可以了！
收到 Debit 卡並轉寄回香港
簡單總結，整個 Wise Borderless Account 和其 Debit Card 的申請時間線如下：
| 時間 | 事件 |
| 29-Jun-2020 | 申請更改成英國地址 |
| 29-Jun-2020 | 成功更改成英國地址 |
| 29-Jun-2020 | 申請 Wise Debit 卡 |
| 29-Jun-2020 | 完成付款 |
| 29-Jun-2020 | 完成身份驗證 |
| 29-Jun-2020 | 完成申請 Wise Debit 卡 |
| 02-Jul-2020 | 英國地址收到 Wise Debit 卡 |
| 28-Aug-2020 | 香港地址收到轉寄的 Debit 卡 |
| Sep-2020 | 系統要求進行地址驗證 |
圖片由讀者 Alan 提供，而你也可以也留言區看到他在 2021年4月 的申請經驗。2021年4月28日 更新：最近有讀者從英國申請了 Wise Debit 卡，他拿到的是 Wise Debit Visa 卡而非之前的 Wise Debit Mastercard，但不變的就是張卡是能正常使用的。目前未知事件成因，有待進一步考究。
實測使用 Wise Debit 卡
收到 Wise Debit 卡後就當然會想試用一下它，所以接下來會為大家實測 2 樣最常用 Wise Debit 卡去做的事：
- 經 ATM 提款
- 以 Debit 卡簽賬消費
而實測時，我的 Wise Borderless 賬戶內就只有英磅存款，並沒有任何港幣存款。
經 ATM 提款
有成功使用 Wise Debit 卡於香港提取港幣。根據 Wise 官網的資料，針對英國發行的 Wise Debit 卡每月首 GBP200 的 ATM 提款，Wise 並不會收任何手續費；而超出限額後則會有 GBP0.5 + 1.75% 的手續費。
（圖片可點擊放大，內有詳細說明。）
另外，ATM 所屬的銀行也有機會會收一筆手續費，但我幸好我所使用的東亞銀行 ATM 並未有相開收費。如果你也試了用 Wise Debit 卡於其他銀行的 ATM 提款的話，歡迎你留言告訴我該銀行的 ATM 有沒有向你收取相關手續費，我會將資料整理好並供大家參考使用。
以 Debit 卡簽賬消費
Wise Debit 卡是張 Mastercard，所以可於接受 Mastercard 的商戶消費。
（圖片可點擊放大，內有詳細說明。）
當時賬內就只有英磅，而以港幣付款時 Wise 則只收了 GBP0.02 的 Conversion Fee，佔簽賬金額的 0.32%，比起平日 Mastercard 收的 1.95% 海外簽賬手績費實惠多了。
其他相關
更多離岸戶口
- 【離岸戶口】開戶時 5 大注意事項 + 比較 3 類離岸戶口的申請資格及方法
- 【實測】英國版 Wise Borderless 賬戶 + Wise Debit 卡申請教學
- 【實測】美國 Firstrade 第一證券開戶教學
- 【實測】HSBC Expat 離岸銀行戶口 | GBP50,000 存款就有 HSBC Premier 賬戶
開戶常用工具
- 【0.8 折】HK$117 買 2 年份 NordVPN 教學 | 平均每月只需 HK$5！
- 【UK】免費領取 giffgaff SIM 卡！養個英國電話號碼每年不用 10 英鎊！
- 【實測】£1 月費即買即用的英國電話卡 | LycaMobile eSIM 購買 + 安裝教學
- 【英國】用 UK Postbox 將信件轉寄香港不用 HK$40
低成本匯款方法
- 【花旗銀行】Citi Plus 可免手續費匯款到外國！
- 【實測】香港版 Wise 匯款／跨國轉賬教學 | 前稱 TransferWise
- 【海外轉賬】2 種網上匯款方法的手續費、時間、流程比較
- 【海外轉賬】什麼是 SWIFT / IBAN / FedWire / Sort Code？
附錄
在開完戶口後，有收到不少讀者來信說想要知道如何將資金存入 Wise Borderless 賬戶，以下就會示範 2 個做法：
- 經英國銀行經 Local Transfer 匯款至 Wise Borderless 賬戶
- 經香港銀行經 SWIFT 匯款至 Wise Borderless 賬戶
而以上兩者都會是將款項存入英鎊戶口（而不是存入美金、歐羅等戶口。）要這樣做是因為我開的是英國版的 Wise Borderless 賬戶，所以匯英鎊時的手續費會較低。
經英國銀行匯款至 Wise 戶口
這邊我測試了用 Monzo 將英鎊經 Local Bank Transfer 轉賬至 Wise Borderless 的英鎊戶口，需時約 5-10 分鐘，費用為 GBP0。
（圖片可點擊放大，內有詳細說明。）
經香港銀行以 SWIFT 匯款至 Wise 戶口
這邊我測試了用 Citi Priority 將英鎊由香港經 SWIFT 轉賬至 Wise Borderless 的英鎊戶口，需時約 20 分鐘，費用為 GBP0（因為使用 CitiPriority / Citi Plus 戶口經網上銀行匯款可免手續費）。
（圖片可點擊放大，內有詳細說明。）
常見問題
一個人可以有兩個 Wise 賬戶嗎？
不能，我們就只能有 1 個 Wise 賬戶；換句話說，我們並不能保留一個香港的 Wise 賬戶時，又另外新申請一個英國的賬戶。
我可以將香港賬戶轉換成英國版 Wise Borderless 賬戶嗎？
可以，就只需要登入賬戶並修改住址即可，內文有詳細實測。
申請 Wise Debit Card 是免費的嗎？
不，申請時會需要繳交 GBP5 手續費，即約 HK$50。
Hi，而家UKPostBox係咪轉左Plan，一定要比12GBP月費，先可以有Street Address用？？Thanks！！
仲有 free plan wor~ 同埋 free plan 一向都係只有一個 PO Box address 嚟收件～ 如果要 street address 就要俾錢買～
謝謝，咁我而家係咪應該join PO Box Plan先，之後再加錢買Street Address？定係直接join Street Address個plan？ Thank you！
你嘅目的係咩？如果只係為咗拎張 Wise Debit Card 嘅話，PO Box address 應該就夠做～ 我申請果陣都係用 PO Box Address only~
我目的係拎張 Wise Debit Card，但我見其他Post講，如果用PO Box Address有機會過唔到關，因為佢哋見到”PO Box”字樣，同埋佢哋有機會需要提供住址證明，是咪咁呢？Thanks!
因為我地係用 parcel address 去收件，所以個地址唔會有 po box 嘅字眼嘅～
但至於 po box 地址過唔過到骨呢，lee 個真係 case by case 啦～ 我幾年前整果陣就過到骨，但宜家係咪仲過到就係一個問號了～
我有D唔係好明，其實parcel address同Street address睇落係咪又有D唔同架？比多D錢用street address係咪會好D呢？ 謝謝！
Parcel address 冇 po box lee 粒字～
至於係咪俾錢買 street address 會好啲，lee 個問題就好難答～
我自己就覺得 Parcel Address 就夠做，但如果買完 Street Address 會令你心理上好受啲、覺得穩陣啲嘅，都可以去買嘅～
我都係考慮緊，因為買Street Address都唔平，我諗法係如果好多人都用同一個Parcel address做地址，咁Wise可能會發現有問題，但如果用要比錢既Street Address，咁相對上少人用D，應該會安全啲。
想問呢張Debit Card可以申請到ChatGPT服務嗎？因為香港既Credit Card唔得，ban左。Thanks！
冇實測過，但應該 okay 的～ 我有用其它英國嘅 credit card 買 chatgpt，有成功俾到錢錢～
好的，thank you！
宜家係2023年3月6日，我新開左一個wise account，用左德國地址，身份證明果part，我用左我護照去證明。而收入證明果part，我選擇左salary，然後用左香港既月結單作為收入證明。然後我去申請wise debit card，跟住佢就話we are checking your details，佢應該係人工審查我既所有資料。2日後，wise就send email話“couldn’t verify your source of wealth with the documents you sent.” 叫我重新遞交 salary既收入證明（佢宜家唔給我再選擇salary以外既收入證明）。宜家我增值都卡在要我提交收入證明。請問你地有冇遇到呢種情況，你地點處理？
冇相關經驗，當時由香港轉英國 Wise 並冇問我拎 source of fund 嘅證明，所以亦都冇提供過俾佢～
我覺得你 lee 個 case 可以試下將個地區轉翻做香港先，等多一排再做其他嘗試～
我都覺得應該先用香港地址，提交香港資料，過左kyc後再去改國家。新account客服應該會人手check一次你提交既資料，起碼要先過左呢個階段再去改國家。
請問你用香港wise時候，是否已經提交晒 身份，收入，住址證明，然後再去contact客服幫手改國家？我見wise一旦提交左住址證明，setting入面就會lock死左唔再給用戶自己改地址，要客服幫手改。同埋申請wise debit card，一旦給左錢後，佢都會lock死唔再給用戶自己改地址。
還是你用香港wise時候只提交左身份，收入證明，然後你自己改setting地址轉英國，之後wise過一段時間要求後補住址證明？
你申請debit card時候，係唔係即刻出debit card number，定係都要等一段時間，等客服check完你details再出？
還是你用香港wise時候只提交左身份，收入證明，然後你自己改setting地址轉英國，之後wise過一段時間要求後補住址證明？
^用香港wise時候只提交左身份證明，然後自己改地址做英國，然後再交身份證明～ 用咗張卡幾個月之後再交地址證明～
你申請debit card時候，係唔係即刻出debit card number，定係都要等一段時間，等客服check完你details再出？
^印象中係等到收卡果刻先知個 card no.~ 但由俾錢申請、交身份證明到批卡嘅過程係 within 5 分鐘內發生嘅事～所以我相信當時係電腦自動批嘅、冇經人手批～
你好, 我看到你收到卡後要地址驗證.
我之前是開了香港版, 後來看到改地址就可以出卡.
我改了UK POST , 等緊收卡.. 請問之後地址驗證會是怎樣.
如果提供唔到UK 地址會怎樣架? 謝謝.
我當時係用咗 Monzo 嘅月結單俾佢做地址證明，有成功 Pass 到～ 不過宜家用 HKSAR Passport + UKPostBox 嘅地址好似唔係幾開到 Monzo 戶口了～
另外一個可以產生到類似地址證明嘅方法係整張 giffgaff 電話卡，俾完錢之後可以產生到一張收據～ 有機會可以魚目混珠咁過到個驗證（未經實證，因為 Landline 嘅電話月結單係英國係可以用嚟做地址證明嘅，但手提電話號碼就唔一定得）～
而最壞嘅情況就係俾佢 close account~
我諗過.. 因為我係用美國TD 券商 每月都會有電子月結單
基本上TD 係唔會寄信比我
只會係每年大約3 4 月會寄個報稅既信比我 報稅..
諗住轉過去UK POST BOX 度..
唔知電子月結單可唔可以用黎頂住呢?
lee 個唔係一個好嘅 idea~ 因為登記一個英國地址落 TD 嘅話，你會有機會買唔到美金計價嘅 ETF 同埋有機會要重新填 W8BEN 果張 form~
我見TD 有兩個地址. 一個係住址. 一個係郵件地址.. 我諗住改 郵件地址咋.
我再睇返你驗證時間岩岩好係收卡後一個月左右.
WISE 會唔會因為見到係香港IP + 香港電話.. 所以就會要求驗證地址呢><!
唉.. 本來諗住想慳TD 出金費.. 用ACH 轉錢去TD 再用相同方法轉去 IB HK
IB HK 每月可以拎錢一次.. 用埋IB 轉返HKD 咁就可以提款返出黎咋.
我見TD 有兩個地址. 一個係住址. 一個係郵件地址.. 我諗住改 郵件地址咋.
^都係唔建議～ 同埋 TD 唔係英國本地嘅嘢，所以未必有認受性～ 即係英國嘅水電煤單、固網電話單、英國銀行月結單 lee d 會係有認受性嘅文件，次一級 giffgaff lee d 電話單都有機會唔認嘅時候，TD lee d 非本地嘅野就更加憫～
我再睇返你驗證時間岩岩好係收卡後一個月左右. WISE 會唔會因為見到係香港IP + 香港電話.. 所以就會要求驗證地址呢>
收卡後第一次要唔要喺英國用一次先能激活張卡？可以收卡後直接喺香港提款及消費嗎？
可以係香港激活張卡啊～ 我張卡都係係香港 activate 嘅～
請問英國地址收到卡用什麼快遞轉寄卡回澳門?我試過DHL 佢地唔肯寄 debit card.
我上次係用 royal mail~
你好小編，想問我理解有冇錯。如果要用香港銀行入錢去外地wise戶口嘅話要先將港幣兌換成外幣然後存喺本地銀行戶口度，再透過SWIFT轉賬至Wise公司喺外地嘅銀行（唔係自己Wise戶口），最後Wise公司收到後就會將錢放喺我嘅外地Wise戶口入面。應該係咁樣？
咁想問如果我本地銀行戶口入面冇得存放當地嘅貨幣，應該點算？直接過港幣定可以先入其他大路嘅貨幣例如英鎊或者美金去海外Wise戶口，再喺Wise度兌換成想要嘅貨幣？
我可唔可以透過frd嘅本地Wise戶口入錢去我嘅外地Wise戶口？
thxx～
如果要用香港銀行入錢去外地wise戶口嘅話要先將港幣兌換成外幣然後存喺本地銀行戶口度，再透過SWIFT轉賬至Wise公司喺外地嘅銀行（唔係自己Wise戶口），最後Wise公司收到後就會將錢放喺我嘅外地Wise戶口入面。應該係咁樣？
^對於 borderless account 而言，lee 係其中一個入錢嘅方法～
另一個未經實測嘅方法係用翻 Wise 自己嘅服務，當我係想將港紙轉做英鎊存入 Wise Borderless Account，咁我哋可以試吓照常 initiate 一個轉賬，然後收款人 details 果度填翻 Wise GBP Account 嘅 sort code & account no.~
咁想問如果我本地銀行戶口入面冇得存放當地嘅貨幣，應該點算？
^試下啱啱提到嘅第 2 個方法～
直接過港幣定可以先入其他大路嘅貨幣例如英鎊或者美金去海外Wise戶口，再喺Wise度兌換成想要嘅貨幣？
^都可以係一個解決方法，但兌兩次會蝕兩次手續費／價差，埋單未必划算
我可唔可以透過frd嘅本地Wise戶口入錢去我嘅外地Wise戶口？
^未試過，理論上得～ 但唔建議咁做，因為日後如果你要買樓／過任何 Anti-money laundering 嘅審查時就可能會有啲痛苦，到時就要說明點解會有筆咁嘅交易～ 但如果你冇 lee 方面嘅考慮嘅話，都可以試試～
Hello, 我想問呢個方法證實左得唔得?
請問有冇人試左?
“initiate 一個轉賬，然後收款人 details 果度填翻 Wise GBP Account 嘅 sort code & account no.~”
唔好意思，請問第一次用張卡在香港ATM提款，是否用那4-digit密碼就可以？另外如消費時凡接受visa/MC的地方都能用嗎？
請問第一次用張卡在香港ATM提款，是否用那4-digit密碼就可以？
^Yes，你係 APP 度就可以㩒到同睇到果 4 位數嘅密碼～
另外如消費時凡接受visa/MC的地方都能用嗎？
^新出嘅卡應該都係 Visa 卡，所以只要個商戶收 Visa 就可以用到張卡（前題當然係張卡入面有足夠嘅錢俾佢扣～）
8月19號登記debit卡，到今日9月2號仍未收到XD”””
除咗等都冇咩其他可以做 lol
小編你好我想問.
有冇試過用binance 將euro tran過錢入去transferwise borderless acc?
冇試過～ 如果你試完 work 嘅都歡迎你上黎同大家分享翻你實測嘅經驗～
you cannot, your wise account will be banned
小編：點樣Send Emai比你？我收到封信可以Send比你參考..或者你先Send給我。唔該
電郵地址
小編：郵件已發出，請查看Email….希望資料對你有用。
收到了，謝謝你的圖片～
從3月30日開 UK Postbox郵箱，4月9日申請WISE BORDERLESS 賬戶，於4月13日Po Box收到信件，馬上做轉寄服務，4月15日從(UK Postbox)..Forwarded轉寄出，於4月28日香港地址收到信件。
謝謝 timeline~
小編：如果用UK Postbox服務去申請 Wise Borderless，過程係要填兩次英國地址，第一次係要填Parcel Code ，而第二次係填收信地址，先填Postal Code..( Po Box )..唔好填錯，如果唔係，在填第一次時，Wise 會拒絕你申請嘅。另外我㩒完錢睇翻Wise記錄，會顯示係香港地區㩒錢嘅，( 好彩我無開vpn…同我用翻香港電話)….資料希望幫到大家，小編加油。
小編：補充一下…係…..係英國網頁申請..無開vpn..用香港電話..用UK Po Box作收信地址…然後轉寄翻香港..張卡5英磅，亦要用本人戶口存20英磅先激活戶口..可存錢/轉錢 / 銀行㩒錢…用轉數快入錢落去Wise戶口嘅。
Great~ 多謝你嘅補充~ lee d 資料會好幫到後續想申請 lee 張卡嘅人!
申請WISE BORDERLESS 賬戶：過程共要輸入兩次英國地址嘅，首先果次係填Parcel Code，然後第二次係收卡地址先填Postal Code、( Po Box)…唔好填錯，如果唔係Wise會唔接受申請嘅。小編，幫到你好開心，加油。
請問 Alan 兄所指 “用香港電話” ， 即係無用 UK +44 電話號碼做戶口 registration?
抑或另有所指 ?
唔該晒先
lee 個要佢本人先可以 confirm 到你～
但我自己從前文後理睇到係佢用咗香港電話做 registration～
小編：我4月9號申請Wise帳戶，15號UK Po Box轉寄出..今日剛剛收到卡,打開信件,,係Visa debit card…信入要有教去提款或買野輸入Pin碼作激活，然後我去匯豐攞咗100蚊激活，( 張卡表面無任何號碼嘅..姓名係卡後面)..然後上翻我Transferwise網上戶口..先發現佢之前通知卡已寄出..係Visa樣黎。
I see! 咁同 Mastercard 年代都幾唔同，我果陣個 activation code 係啤咗係張卡面~
另外我都 update 翻你 Lee 點入篇文先～
小編你好：我剛剛收到張TransferWise Debit Card，係VISA Debit Card黎，卡上面無帳戶號碼嘅，並唔係Mastercard Debit Card，係咪轉名為Wise之後更改咗？
第一次聽到咁嘅 case，有機會都唔出奇～ 但我上翻官網睇佢都仲係講緊係 mastercard 黎
同埋另外想了解多 d，我想問你張卡係咪可以正常咁入錢／簽賬？你都係用英國地址去申請佢嘅？
您好 如果輸入5次SMS錯誤需要經過多久時間再登入了 謝謝
sorry~ lee 個真係未試過，所以唔知~
小編你好,
1) 是否HKD不能直接射入 boardless acct, 要自己先行唱好錢? 所以呢個acct 只可作為匯款去真離岸戶口既用途? 如果我想唱錢, 應該用其他辦法?
你之前提到”3. HSBC HK / Citi Priority 射 HKD 入 Transferwise 去 HSBC UK：靚匯率，但會隨住匯款金額有唔同既手續費” –> 呢個可以點做?
2) 我本身有美金, 可否把在HK 銀行的美金先轉到boardless acct 的美金戶口去activate 張debit card 呢?
謝謝 !!
1) 是否HKD不能直接射入 boardless acct, 要自己先行唱好錢?
^yes，唔可以直射 HKD，要唱左做其他外幣先～
所以呢個acct 只可作為匯款去真離岸戶口既用途? 如果我想唱錢, 應該用其他辦法?
^個用途就係 hold 少量外幣，因為有卡可以方便用～ 但 Hold 大量外幣既話，就開個有存款保障既離岸戶口好 D~
如果我想唱錢, 應該用其他辦法?
^可以係香港唱左先都 okay
你之前提到”3. HSBC HK / Citi Priority 射 HKD 入 Transferwise 去 HSBC UK：靚匯率，但會隨住匯款金額有唔同既手續費” –> 呢個可以點做?
^lee 個 case 個事主係當 transferwise 係匯款平台咁用，筆錢個最終目的地係 HSBC UK account，所以唔適用你個 case，因為就咁聽落你個終點就係 transferwise borderless account.
2) 我本身有美金, 可否把在HK 銀行的美金先轉到boardless acct 的美金戶口去activate 張debit card 呢?
^可以，做法係香港銀行行 SWIFT 入 Transferwise borderless 個美金戶口； citi priority 或以上可免手續費，HSBC One 好似都可以免（但我冇實測過 HSBC One)
用ukpost 個地址佢哋好似唔接受話係Po Box. 請問你入嗰陣時有冇問題呢？淨係佢哋更新咗啲T&C
UK Postbox 有提供兩個地址，一個係 PO Box address，用黎收信，個地址係 “Unit12345, PO BOX, xxxxx, xxxx” 咁樣，有寫明係 PO Box 黎，而我冇交 lee 個 address 俾 transferwise 做住址。
另一個地址係 Parcel Address 黎，專用黎收包裹，而個地址入面冇 “Po Box” lee 兩隻字，而我果陣係用 Lee 個地址當住址去申請 TransferWise Borderless Account 既。而 lee 個已經係半年前既經驗，唔排除有機會改左 T&C（不過 so far 都未聽到有讀者 report 翻俾我聽話個方法失效。）
想問吓個 borderless account 有冇 routing number 收 ACH direct bank deposit ?
有啊～
小編你好，關於你上面提到Remaining mail allowance為零嘅問題，我問咗Ukpostbox D CS，佢哋又話如果你用嘅係Pay G account係唔關事嘅，嗌我忽略咗呢一項，所以即係收唔收到信？
oh~ 咁以 CS 既 info 作準啦~
可否用wirex debit card 去add money 入 boarderless account?
咁入wirex 或transferwise 方面有否手續?
未試過，頭先禁左入去扮用 debit card 增值 transferwise 10gbp，佢話會有 ~3% transaction fee，但即使真係可以都唔多化算～
一星期前由普通户口轉Boarderless Account，用香港電話完全無問題！
謝謝提供 Data Point~
請問Debit card消費及提取現金有手續費嗎？見官網寫每月200英鎊內提現免手續費。
岩岩實測左啦，我用 TransferWise Debit 卡經東亞 ATM 拎錢，TransferWise 淨係收左我英鎊轉港幣既 Conversion Fee；而 ATM 就冇收我海外提款既手續費～
https://www.flyasia.co/2020/10/05/transferwise-borderless/#-TransferWise-Debit-2
請問我可以用自己香港Transferwise錢比我個仔嘅英國Transferwise borderless account? 是否只要輸入收款人係阿仔加佢account number and UK Transferwise 嘅sort code就得?
errr… 我得自己一個 transferwise account 係手，所以幫唔到你實測 lee 個 case 😂 但聽落似做到，你試完記得上黎同大家 report 翻得唔得～
係可以嘅！巳成功轉錢比阿仔。
多謝你同大家分享 lee 個實驗結果 <3
真係唔好意思，其實你D資料好有用，但係Citibank 不系好明白點填滙款人的資料，因為第一次填，同埋銀行名稱係寫Barclays既？
Thanks
我 citi priority 個 setting 係咁～
成功左，真是感激你， thanks
多謝你回覆呀! 我已經開咗Transferwise Borderless Account, 我見戶口要求係咪要有20GBP存款, 但我仲未開到Monzo Account, 請問仲有咩方法可以存錢入Borderless Account? 先謝謝你幫忙!
除左用英國銀行做 local bank transfer 外，仲可以用 Debit Card / Credit Card / SWIFT 匯 GBP 入 TransferWise Borderless 個 GBP ACC~
唔好意思，想問呢，打算喺英國開uk hsbc，然後將香港嘅錢過晒去uk。想食少啲手續費係咪而家用citi priority 唱定gbp，然後轉去transferwise borderless （呢度0費用，但有無話limit tran 幾多錢先0費用？），再用transferwise 轉去uk hsbc？（呢part有無手續費？）
or 用hk hsbc 個global transfer 直接將gbp 去uk hsbc？（但hk hsbc 唱英鎊rate 超級差）or 直接用transferwise 將香港港紙匯到英國？（不過想喺香港唱定gbp 先，我睇佢個網好似無hk gbp to uk gbp 呢個操作）
麻煩晒
transferwise 既操作係要用 A 貨幣入、B 貨幣出，做唔到 A 入 A 出咁～ 而如果係想將錢由香港射去英國既，應該會行 HKD-GBP lee 個 Pair～
然後你手上有既選項係：
1. citi priority 射 GBP 去 HSBC UK：匯率唔靚，但就冇電匯手續費；
2. HSBC HK 射 GBP 去 HSBC UK：匯率唔靚，Premier/Jade 冇電匯手續費；
3. HSBC HK / Citi Priority 射 HKD 入 Transferwise 去 HSBC UK：靚匯率，但會隨住匯款金額有唔同既手續費；
所以最後就係要睇你想匯幾多錢，然後自己去比較翻邊個 plan 岩你多 D~
icic，如果係咁呢：
Citi priority 射gbp 去transferwise (like yr example 經香港銀行以 SWIFT 匯款至 TransferWise 戶口, 0 費用)
然後transferwise 再射去HSBC UK 咁得唔得？射返去uk local bank 有無charge？
Citi priority 射gbp 去transferwise，然後transferwise 再射去HSBC UK 咁得唔得？
^唔得啊～
想問申請 TransferWise Borderless Account , 是否一定要用uk mobile no.? 用香港號碼可以嗎? 要sms 驗證嗎?
有讀者試過用香港電話，有成功 pass 過 verification~
但我唔建議咁做，因為整個英國電話用唔到幾多錢，100HKD 已經養到個 no. 至少一年～ 所以唔好慳 Lee 小小錢～
多謝你分享!!
請問如果一直無入錢入Transferwise Borderless Account, 會唔會引致戶口取消?
另外MONZO好似網上有啲壞消息出現, 請問MONZO呢間銀行仲係咪算穏健呢?
先謝謝你解答!!
請問如果一直無入錢入Transferwise Borderless Account, 會唔會引致戶口取消?
^未試過，但我估唔會，因為 transferwise 有提供緊兩種服務，一係匯錢，二係 borderless 張 debit 卡～
而如果有個人佢只係用 transferwise 黎匯錢、唔擺錢係 transferwise 度，佢都依然係 transferwise 既 target customer。所以邏輯上我見唔到 transferwise 有咩誘因去 closee lee 個 account。
不過呢，如果只係用匯款、唔擺錢係 transferwise 既話，開個香港 acc 就好夠 😂
另外MONZO好似網上有啲壞消息出現, 請問MONZO呢間銀行仲係咪算穏健呢?
^有睇新聞話 monzo 今年 breakeven 唔到~ 如果有疑慮既話就唔好擺錢入去～
personally 我係用 Firstrade 居多，因為本身買開美股，同埋 keep cash 係手就只會貶值，所以 Firstrade 會岩我用多小小。
但我的HK Transferwise俾佢DEACTIVE咗, 又開唔番, 上訴咗几次都話暫不考慮, 有無人試過可以解封呢?
佢有冇話點解～ （我自己未試過，但幫你 post 出黎睇下有冇人可以幫到你啦～）
Citi bank transfer oversea 個sort code and address 點填？TransferWise address ,right?
Sort code cant find in the apps of tw.
Please help.
你係用 citibank 轉緊港紙定外幣俾 TransferWise？
Using citi mobile apps >>overseas transfer
Successfully transferred
唔該哂。
你好，我開了香港板 Transferwise, 想從香港的英鎊戶口滙款去英國學校，選擇手動轉帳資金，糸统比我一個英國戶口作轉帳，想問下這情況下香港銀行收取電滙費用嗎？麻煩
如果想用香港版 TransferWise 匯英磅去英國，係 TransferWise 就要用 HKD-GBP lee 個 pair 去付款～ 即係你要匯 HKD 入 TransferWise 香港 Account，然後 TransferWise 會用佢既英國 Account 入 D 英磅去你指定既英國銀行戶口～
換個講法，TransferWise 係幫唔到我地將放係香港銀行既英磅匯去英國；如果想咁匯法既就要行翻傳統既 SWIFT 先得～
請問有師兄用monzo app download 既 bank statement 可以通過address verification 嗎？我剛剛試過，transferwise 話唔得
我UK Postbox嘅情況同你上圖一樣 Remaining mail allowance歸零係咪一係等佢個plan reset個倒數 一係就升做另一個付費plan先收到信?
yes
可否做一個教學由香港匯錢入TransferWise Debit 卡戶口? Thanks
岩岩加左個匯款教學入篇文度可以參考～
https://www.flyasia.co/2020/08/10/transferwise-borderless/#-TransferWise
我一開始就申請左英版boarderless account, 但想由香港銀行入美金入去，佢要我入錢去英國既transferwize銀行户口，無得揀香港既銀行户口，請問你都係嗎？
係啊～ 因為 lee 個係英國版既 transferwise borderless acc，所以 d 資金放係一個英國銀行戶口好正常～ 而岩岩加左個匯款教學入篇文度可以參考～
https://www.flyasia.co/2020/08/10/transferwise-borderless/#-TransferWise
可否做一個教學由香港直接匯錢入border less 戶口
我仲等緊收卡～ 要收到卡之後先可以實測到 lee 個步驟～
我申請咗broaderless account
用ukpostbox 地址
香港手機號申請
等緊張卡寄來
但發覺 係transferwise apps/網頁入面
選add money 或 transfer
係冇得直接選由hkd->GDP/USD
USD->USD 就只可選：
Direct Debit (得外國銀行)
Wire transfer (又係外國戶口)
Debit/credit cards
Swift transfer (得外國戶口)
而家唔知點入錢入去
sorry 覆遲左～ 岩岩終於有時間加翻個匯款教學入篇文度可以參考～
https://www.flyasia.co/2020/08/10/transferwise-borderless/#-TransferWise
我用vpn 同 ukpostbox 登記完, 開埋Debit card , 但我用唔到港幣入錢去Transferwise . 第一次滙款要點做? 是否要等Debit card activated 先可以從香港ebanking 滙款?
岩岩加左個匯款教學入篇文度可以參考～
https://www.flyasia.co/2020/08/10/transferwise-borderless/#-TransferWise
而 TransferWise Borderless acc 似乎冇 support HKD 既存款～ 同埋入 GBP 入去個 fee 會最平，所以會 suggest 入 GBP 入去 TransferWise Borderless Acc
如果不用特區護照，改用bno，申請程序有無不同？
應該一樣～ 但沒有實測過～