我們可以把 Curve 卡理解成一個實體版的 Apple Wallet／Google Pay Wallet，可以將眾多的 Visa／Mastercard 儲存在同一個裝置裡，到簽賬時才在 APP 裡選擇要用的信用卡。換個說法，帶張 Curve 卡出門就等於是帶了十多張的信用卡出門！
不過要留意一點：Curve 卡目前僅開放給英國和歐盟國家的居民申請。除了收卡時要用到相應國家的地址外，我們還需要幫它在當地「開光」，要憑卡在當地商戶簽賬一次才能夠順利地用到 Curve 卡，所以這張卡就只適用於那些真的真的真的住在外國的讀者去使用。
為什麼要用 Curve 卡？
讓銀包變薄
不論是信用卡還是扣賬卡、也不論是香港還是英國發行的卡，只要是 Visa 卡或 Mastercard 就能加進 Curve 卡裡使用。整合之後，我們就不需要帶著一大堆卡出門了，銀包就能變輕變薄。
ps. 如果有問題／想跟大家分享你相關的經歷，歡迎在文章底部留言！
節省外幣簽賬手續費
平日拿著一張香港發行的信用卡在外國簽賬時，銀行會自動將當地貨幣自動轉換成港幣，並從中收取額外 1.5-2% 不等的手續費。
但 Curve 並不收這 1.5-2% 的外幣交易手續費（DCC／FCC），就只會按市場中間價去計算。因此，只要我們將香港發行的信用卡加進 Curve 卡後再用 Curve 卡簽賬，即使貨品不是以港幣標價也不需要承擔那 1.5-2% 的外幣交易手續費。
不過需要留意一點，因為 Curve 會在海外結算那些港幣簽賬，而好些銀行會就海外結算的港幣收 1% 的跨境港幣交易費（CBF），所以要選用那些不收跨境港幣交易費的信用卡才能完全免除一切零星的手續費。
至於有哪些香港發行的信用卡不收 CBF？你可以讀讀《外遊 / 網購以信用卡簽賬要留意 DCC 及 CBF 兩大收費！》這篇教學！
多賺一重回贈
這點對真的住在英國的讀者會比較有感，就是 Curve 會定期推出一些限時優惠，憑 Curve 卡於指定商戶簽賬時有額外的現金回贈。
換個說法，我們用 Curve 卡簽賬時不單可以賺到信用卡本身的簽賬回贈，還有機會能多賺一重由 Curve 提供的回贈！
避免簽錯卡蝕回贈
我們都總會遇過一個情況，那就是預期以某張信用卡在某個商戶簽賬時會有 x% 的回贈，但原來月結單出來後才發覺比率是 y%。而這時我們往往只能摸摸鼻子，除了當自己倒楣外也沒什麼可以做。
Curve 卡有一個時光機（Go Back in Time）的功能，讓我們在 Curve APP 裡修改一次所扣賬的信用卡！而這個功能就只適用於發生在最近 30 日內、金額小於 GBP 5,000 的簽賬。
我覺得這個功能超有創意的！
Curve 卡會員級別
| Standard | Black | Metal | |
|---|---|---|---|
| 月費 | GBP 0 | GBP 9.99 | GBP 14.99 |
| 1% 額外回贈 | 沒有 | 可選 3 個商戶 | 可選 6 個商戶 |
| 以市場中間價兌換外幣 | 每月 GBP 500 | 不設上限 | 不設上限 |
| 海外 ATM 提款上限 | 每月 GBP 200 | 每月 GBP 400 | 每月 GBP 600 |
| 旅遊保險 | 沒有 | 有 | 有 |
| 手機保險 | 沒有 | 沒有 | 有 |
| 機場貴賓室服務 | 沒有 | 沒有 | 有 |
Curve 卡分成了 3 個級別，我覺得最基本的 Standard Plan 已經很堪用，因為 Standard Plan 都有每月 GBP 500 的免手續費以市場中間價簽外幣的功能。至付繳付 GBP 9.99-14.99 的月費後，我並未見到有什麼特別吸引的福利。
btw. 如果你覺得這篇教學對你有幫助的話，我想邀請你免費訂閱電子報，好讓我們可以定期寄送更多類似教學給你！
Curve 卡申請教學
申請資格
我自己是在英國申請 Curve 卡。而我在申請 Curve 卡時準備以下材料：
而我自己是憑一個英國住宅地址、英國電話號碼、Monzo Debit 卡和香港特區護照就成功申請到 Curve Debit Mastercard。
除了文首提到收卡後要幫 Curve 卡「開光」外，也有網友分享說若長期在英國／歐盟使用 Curve 卡的話，Curve 有機會會要求用戶提交水／電／煤的月結單，好以證明我們真的真的是住在 Curve 卡適用之國家。
驗證電話 & 電郵 & 加入當地發行的卡
在開戶時，我們需要驗證所提供的英國電話、電郵地址，也需要加入一張於英國／歐盟發行的 Visa / Mastercard 到系統裡，用以間接證明我們有住在當地。
（圖片可點擊放大，內有詳細說明。）
我自己是把 Monzo Debit Mastercard 加進 Curve 裡，也有成功通過驗證。而我相信你拿著 Dukascopy Debit Card 或 HSBC Expat GBP Debit Card 去進行驗證的話，也應該能成功通過。
進行身份驗證
我自己是用香港特區護照去完成身份驗證的，而你也可以選用車牌、BRP 等身份證明文件。
（圖片可點擊放大，內有詳細說明。）
贊助內容
英國 giffgaff 電話卡
如果你正打算去英國留學、exchange、工作假期、持 BNO Visa 移民英國，那麼你可以事先免費在香港領取一張英國的上網 SIM 卡，免卻到埗後各種麻煩的手續。只要填好表格，giffgaff 就會免費將電話卡寄到我們的香港地址！
在香港時，我們可以用這個英國電話號碼收取 SMS，方便經網上開設各種英國戶口，而養這個電話號碼的成本每年只需 £10！而到埗英國後，我們可以轉用月費計劃，以相宜的價錢享用無限上網！
總結
以上就是 Curve 卡的使用實測和申請教學啦！
對於身處英國的讀者來說，Curve 卡的確會是件新奇有趣的玩具，不妨申請來玩玩！
其他相關
申請 BNO Visa
- 【免費】訂閱英國生活慳錢資訊
- 【整理】12 件移民英國前要做的事
- 【實測】網上申請英國 BNO Visa 圖文教學
- 【實測】香港網上預約英國照肺 TB Test 教學
- 【實測】移民離港前辦理清稅教學
- 【實測】網上申請／換領香港特區護照只需 5 分鐘
- 【去倫敦】移民去英國搭國泰 / 英航比較適合？儲哪種里數較能低成本回香港探親？
常用工具
- 【實測】LuckySIM 移民低成本保留香港電話號碼 + 免費在外國收香港 SMS！
- 【移民】如何在外國申請第 1 張信用卡？
- 【0.2 折】折上折買 Surfshark VPN 教學 | 平均每月 HK$2 就可全家都安全上網！
- 【英國】免費領取 giffgaff SIM 卡！養個電話號碼每年不用 HK$100
- 【英國】用 UK Postbox 將信件轉寄香港不用 HK$40
- 【英國】在外國免手續費簽香港信用卡？Curve 卡使用實測！
- 【實測】£1 月費即買即用的英國電話卡 | LycaMobile eSIM 購買 + 安裝教學
- 【實測】英國 VOXI 電話卡 £12 就有無限數據上社交媒體 + 影音串流平台！
- 【移民】預算旅行／在外國生活的開支！Numbeo 的使用教學
離岸戶口
- 【離岸戶口】開戶時 5 大注意事項 + 比較 3 類離岸戶口的申請資格及方法
- 【實測】英國版 Wise Borderless 賬戶 + Wise Debit 卡申請教學 | 前稱 TransferWise Debit 卡
- 【實測】HSBC Expat 離岸銀行戶口 | GBP50,000 存款就有 HSBC Premier 賬戶
低成本匯款
回鄉探親
- 【倫敦】美國運通 AMEX Centurion Lounge 貴賓室體驗
- 【經濟艙】國泰航空 B777-300ER 飛行體驗 | 倫敦-香港
- 【經濟艙】國泰航空 A350-1000 飛行體驗 | 香港-倫敦希斯路
- 【舊版商務艙】Finnair A359 飛行體驗 | 赫爾辛基-東京成田
- 【新版商務艙】Finnair A359 Air Lounge 飛行體驗 | 曼谷-赫爾辛基
- 【規劃】用 Asia Miles 換袋鼠航線飛歐洲-澳洲的行程規劃
歐遊
- 【飛行里數】英國航空會員計劃 | Avios 使用全攻略
- 【飛行里數】在 2023 年還有玩英航 Avios 的價值嗎？
- 【火車積分】5 分鐘讀懂 Club Eurostar 積分計劃 | 劃一價換火車票去歐洲？
- 【商務艙】Finnair A320 飛行體驗 | 赫爾辛基-倫敦希斯路
- 【經濟艙】英國航空 A321neo 飛行體驗 | 倫敦-雅典
- 【經濟艙】Finnair A320 飛行體驗 | 倫敦-赫爾辛基
常見問題
不能，Curve 並未支援美國運通卡。
不能，Curve 卡暫時未開放給居住在香港的用戶申請。
可以，我有試過將香港的 HSBC 信用卡加進 Curve 卡裡使用，有成功用於簽賬。
如果curve card link埋AE explore係咪最抵？可以免2%手續費，本身AE又唔收CBF?
另外想問如果之前已經唱定咗英鎊，有無辦法經香港信用卡去找外國學費但又唔蝕匯率手續費？
定都係用AE global transfer申請英國信用卡，再用嚟交會好啲？
如果curve card link埋AE explore係咪最抵？可以免2%手續費，本身AE又唔收CBF?
^curve card 連唔到 AE~
另外想問如果之前已經唱定咗英鎊，有無辦法經香港信用卡去找外國學費但又唔蝕匯率手續費？
^唱咗英鎊就用 citi plus 免手續費射啲錢嚟英國、再用英國嘅卡俾錢啦～
香港你都幾難搵到張用 GBP 做 base currency 嘅卡
定都係用AE global transfer申請英國信用卡，再用嚟交會好啲？
^yes，用 global transfer 整張英國卡再俾錢啦
Hi, 另外英國儲蓄收息邊間銀行較著數呢？thank you^O^
冇研究開，同埋最近幾個星期息口變得太快了，所以你 google 下會準啲～
👌👌唔該哂😊
Hi, 請問我剛用Curve,配合渣打亞洲萬里通, 但簽赈後有1.5%手續費, 請問會有嗎？如果有手續費，用這個組合储儲里數化算嗎？😊
渣打對係外國結算嘅港幣簽賬會收 1% 嘅 Cross border fee，所以用佢嚟簽 Curve 唔多抵~
https://www.flyasia.co/2022/01/01/%E5%A4%96%E5%B9%A3%E7%B0%BD%E8%B3%AC-dcc-cbf/#-DCCCBF-2
至於香港銀行就 CBF 嘅收費則可以睇睇上面 Lee 篇文～
😅我d卡都唔係太掂！
我有 HSBC既 RED 和 VS, 渣打既 ASIA MILES, Citi既 rewards, 大新既 ONE和 BA,
係英國應該用咩比較好呢？😁
你直接用 HSBC VS 簽英鎊啦，但記得要將最紅自主賞分晒落賞世界、然後都要係 APP 登記翻網上簽賬額外回贈～ 咁樣加加埋埋即平日係英國 offline 簽就有 3.6% 回贈、online 5.4%，即使扣翻 1.95% 外幣簽賬手續費都仲有數得維～
收到👌！明白哂！感激回覆😁！
不過仲有小小未明🤔，如果我我 HSBC VS配合埋 Curve, 咁係咪連1.95％都慳埋呢？
用 curve 簽會變咗係海外結算港幣，但港外結算嘅港幣係食唔到最紅自主嘅回贈～
咁其租實香港張卡仲賺唔賺到海外簽賺回贈？
另請教你而家係英國點賺miles 回贈。英國credit 卡D offer 似好小
自從 HSBC 改咗唔計海外結算嘅港幣簽賬做海外簽賬之後，簽 Curve 卡少咗好多肉食～
而英國嘅信用卡 in avg. 做緊 £1 = 1 Miles，同香港隨手拎張卡都有 HK$6 = 1 Miles 爭得有啲遠，所以即使計埋外幣交易手續費都好，好多時都仲係簽香港嘅卡抵啲～
我係英國最常用嘅組合係 HSBC Visa Signature，因為簽外幣 HK$2-3 = Asia Miles，減翻走 1.95% 手續費都仲有數可圍～ 然後我會配埋張 HSBC Premier 信用卡，咁樣啲分就可以拎去換 Avios，折合做到 HK$1-2 = 1 Avios～
£2-3 1 miles 係咪要用賞世界加另外個2.5% 海外回贈先有？🙏
係 HK$2-3 而唔係 £2-3 😂 兩者爭好遠 😂
係，最紅自主賞要放賞世界，然後都記得要登記網上簽賬額外 2% 回贈個活動～
Hi,林扁,
want to know, that HSBC Visa Signature, is using the physical card at U.K, using GBP £,
HSBC Premier 信用卡, added in the curve card, using HKD$
to use at U.K ?
IIf I just have HSBC Premier 信用卡, add it to curve, is that good for earn avios?
Thanks.
HSBC VS + HSBC Premier 今年嘅最佳用法就係 reg 晒果啲外幣簽賬 Promo 之後，主力用 HSBC VS 係外國簽外幣（唔洗、亦唔好經 Curve）～
HSBC VS 儲落嘅分就可以因為有 HSBC Premier 嘅源故，所以可以轉到做 Avios～
Hi,
Thanks,
多謝秒覆。
請問您點樣比較，
1)
HSBC VS + HSBC Premier
和用
2)
HSBC
扣賑卡，0.4% 回贈
那樣的簽賬着數些？
另外，
参照了您之前的介紹，
在香港用了AE card,
成功在英國開了AE card(U.K)
不過開卡後才發現，出AE Gold(首年免年費），首3個月有£3000簽賬，有迎新20000積分，
可惜之前看移民討論區，出了AE英航卡，
迎新只有5000 avois .
出了AE英航卡,便不可以有金卡的迎新。
或者，您可以提提大家，
因為很多人看您的post.
6x 最紅自主推晒落海外 + 3x HSBC VS 額外 + 1x 基本回贈，咁計嘅話 HSBC VS 嘅簽賬回贈就已經係 3.6%、仲未計果啲間唔時就出現嘅海外簽賬額外 x% 回賭～
而 3.6% 回贈 – 1.95% 外簽簽賬手續費都仲有 1.65% 回贈～ 點計都多抵過扣賬卡果 0.4%~ 不過個前題係個簽賬額唔可以大太 (>HK$100k/yr），因為 6X 係有 cap 嘅～
同埋 debit card 就只係回到錢，簽 HSBC VS / Premier 除咗可以變錢、亦都可以變到 Avios~
而住英國有幾個 Avios 傍身其實幾緊要，舉個例我之前有用 9,000 Avios + £46 就換到 1 張單程 LHR-HEL Econ 機票～
以 HSBC VS 3.6%（即 HK$1.85/Avios）計，其實簽 HK$16,667 就夠里數換到～ 而同樣嘅機票搵 Asia Miles 換就要 15,000 Asia Miles，同樣以 HSBC 3.6%（HK$2.78/Asia Miles) 計，我地要簽夠 HK$41,667 先夠里數換～ 所以由 Lee 個例子可以見到係英國玩 Avios 嘅重要性～
Hi,
林扁,
感謝您詳細的分析。
雖然使用 Curve 不收取大部份銀行的 1.95% 外幣兌換手續費，但請問它用的中間價匯率合理嗎？比較 VISA / Mastercard 的匯率差別大概是多少？可不可以分享一下最近它簽帳時的 GBP/HKD 匯率參考一下，謝謝！
最近比較少用 Curve，對上一次用已經係 2022年3月～ 22MAR22 19:00 簽咗一筆 £22.06 嘅簽賬，當時 Curve 係扣我 HK$229.27，匯率為 HK$10.3929～ 而對翻 xe .com 嘅數據，23MAR22 00:00 嘅匯率 10.3811~
Thanks