因為在 2020年1月1日 前所儲得的亞洲萬里通里數只有 36 個月（即 3 年）有效期，所以我們的賬戶可能會有少量的里數快將過期。
不過好消息是…我們只要成功申請渣打國泰 Mastercard 或憑「獎賞錢」兌換 20,000 Asia Miles，就可以免費延長於 2020年1月1日 前所賺取的里數有效期！而要免費延長里數有效期的話，我們共有 7 個方法可助我們達成目標！
我自己是在 2022年2月中 幫自己將要過期的 Asia Miles 進行續期，而我要等到 2022年3月中 才看到相關的里數有成功續到期，所以這件事是需要大量大量大量耐性。
免費延長里數有效期的方法
在 2020年1月1日 前所儲得的亞洲萬里通里數只有 36 個月（即 3 年）有效期。不過，自 2020年1月1日 起所入賬的 Asia Miles 就不再設固定的有效期，而是只要你的賬戶在 18 個月內有賺取或兌換里數，里數的有效期就可以自動延長至 18 個月後。
由即日起至 2022年12月31日，只要透過以下其中一個方法，就可以將 2020年1月1日 前所賺取的里數有效期免費延長！方法包括：
- 成功申請渣打國泰 Mastercard 或
- 憑「獎賞錢」兌換滿 20,000 Asia Miles 或
- 憑信用卡積分累積兌換滿 30,000 Asia Miles 或
- 憑渣打「亞洲萬里通」定期存款戶口賺取 40,000 Asia Miles 或
- 經國泰假期官網預訂並完成 5 晚酒店住宿 或
- 購買由國泰航空銷售及營運的 2 段航班 或
- 經國泰購物平台消費買 HK$5,000 或 US$640 以上
完成其中一項要求後，你在舊制下所賺取的里數將會被重新入賬，並可按新制計算有效期。即是你只需每 18 個月內賺取或兌換里數一次，就可以延長所有里數的有效期啦～
而於 2020年1月1日 前所賺取的里數結餘，並在 2022年7月1日 或以後因有效期已屆滿而被扣除的里數，亦可透過此延長里數有效期優惠一併獲得更新！
ps. 如果有問題／想跟大家分享你相關的經歷，歡迎在文章底部留言！
成功申請渣打國泰 Mastercard
當中 0 成本的方法是於 2022年12月31日 或之前成功申請渣打國泰 Mastercard、渣打國泰Mastercard – 優先理財或渣打國泰Mastercard – 優先私人理財，那就可以免費延長在 2020年1月1日 前所賺取的里數結餘之有效期。
以我個人實測申請的經驗為例，我在 2022年10月6日 遞交 渣打國泰 Mastercard 申請，並於翌日 2022年10月7日 成功獲批，最後 Asia Miles 系統在 2022年11月3日及7日向我發還在 2022年11月1日時因逾期失效的里數！官方條款指逾期的里數會在銀行向亞洲萬里通轉交相關資料及信用卡批核通知後 6 至 12個星期內自動更新，我個人的經驗是約 4 個星期就獲得更新啦！
如果你是渣打信用卡的新客戶，成功申請渣打國泰 Mastercard 更可同時賺取迎新獎賞！詳情可參閱《渣打國泰 Mastercard®｜ 食肆 / 網上 / 外幣簽賬賺 HK$4/里！》文章。
憑「獎賞錢」兌換 20,000 Asia Miles
於 2022年12月31日 或之前，成功憑滙豐信用卡積分「獎賞錢」兌換滿 20,000 或以上亞洲萬里通里數，即可免費延長在 2020年1月1日 前所賺取的里數結餘之有效期。
即是說，按 $1「獎賞錢」= 10 Asia Miles 的兌換比率，只需用 $2,000「獎賞錢」兌換 20,000 Asia Miles 就可以將舊制下所賺取的里數延長有效期了。
憑信用卡積分兌換 30,000 Asia Miles
若以上兩個方法都不適合你，只要你於 2022年12月31日 或之前，成功憑「亞洲萬里通」金融夥伴機構所發出指定信用卡之積分累積兌換滿 30,000 或以亞洲萬里通里數，即可免費延長在 2020年1月1日 前所賺取的里數結餘之有效期。
部分「亞洲萬里通」金融夥伴機構所發出包括：
| 金融夥伴機構 | 信用卡例子 |
|---|---|
| 美國運通 | AE Explorer、AE 白金信用卡、AE 白金卡 |
| 花旗銀行 | Citi PremierMiles、Citi Rewards |
| 星展銀行 | DBS Black World Mastercard |
要查閱更多「亞洲萬里通」金融夥伴機構可參閱相關網頁。
憑渣打「亞洲萬里通」定期存款戶口賺取 40,000 Asia Miles
於 2022年12月31日 或之前，成功於渣打銀行開立「亞洲萬里通」定期存款戶口並透過「亞洲萬里通」定期存款戶口賺取最少 40,000 亞洲萬里通里數，即可免費延長在 2020年1月1日 前所賺取的里數結餘之有效期。
btw. 如果你覺得這篇教學對你有幫助的話，我想邀請你免費訂閱電子報，好讓我們可以定期寄送更多類似教學給你！
課金給國泰
剩下的 3 個幫 Asia Miles 續期的方法都是要間接課金給國泰，不過我自己覺得這 3 個方法都不太吸引啦。
- 經國泰假期官網預訂並完成 5 晚酒店住宿 或
- 購買由國泰航空銷售及營運的 2 段航班 或
- 經國泰購物平台消費買 HK$5,000 或 US$640 以上
當中特別需要留意買機票幫 Asia Miles 續期的方法，我們必需要經國泰的官網去購買相關的機票、而且我們所購買的航班也需要是由國泰航空營運的。
換個說法，如果我們是經 Expedia 購買了一套國泰航空營運的來回機票，那麼我們並不能滿足到這項要求，因為我們並不是經國泰官網去購票。
總結
在疫情影響下，用里數換機票的機會變少。令大家都可能儲了不少在舊制下賺取的亞洲萬里通里數，如果里數快將過期，除了可用里數兌換禮品，還可以趁著這次的優惠將所有舊制里數的有效期延長，而且手續費全免！
重點是，舊制里數成功更新後，未來只要每18 個月內有賺取或兌換里數，里數的有效期就可以自動延長至 18 個月後。變相是可永續里數有效期啦～
優惠期至 2022年12月31日，大家千萬不要錯過這大好機會啊！優惠須受條款及細則約束。
贊助內容AE 白金卡
成功申請 AE 白金卡、並交完 HK$7,800 年費後，我們就可得 HK$3,800 的迎新禮遇和 2 套直飛日本的機票：- 成功申請及於基本卡批核後的 3 個月內完成首筆簽賬 | 有 HK$1,000 簽賬回贈 &
- 成功申請並完成登記 | 本地與海外餐嚮簽賬每年各享 HK$1,000 簽賬回贈，合共有 HK$2,000 簽賬回贈 &
- 成功申請並完成登記 | 共有 HK$800 NET-A-PORTER / MR PORTER 簽賬回贈 &
- 經網上申請並於發卡後 3 個月內完成首筆簽賬就有 700,000 MR 積分 | 夠換 46,666 Asia Miles、Avios、Virgin Points 等里數
- 可免費申領 Marriott & Hilton 等酒店之中階會籍，有免費早餐、延遲退房等福利
- 可享有免費的全年旅遊保險
- 可免費帶 2 名親友一起使用機場之 AMEX Centurion Lounge 和 Plaza Premium Lounge
- 星期 1-4 於指定食肆晚市有低至半價優惠
- 全個星期在 Mira Dining 旗下指定餐廳外賣自取低至 75 折
- 星期 5 於百老匯院戲有戲飛買 1 送 1 優惠，其餘時間亦有 8 折
常見問題
在 2020年1月1日 前所賺取的亞洲萬里通里數只有 36 個月（即 3 年）有效期。不過，自 2020年1月1日 起所賺取的 Asia Miles 就不再設固定的有效期，你只需在 18 個月內有賺取或兌換里數，里數的有效期就可以自動延長至 18 個月後。
在 2020年1月1日 前所賺取的亞洲萬里通里數只有 36 個月有效期。只要在優惠期內成功申請渣打國泰 Mastercard 或憑「獎賞錢」兌換 20,000 Asia Miles，就可以免費延長於 2020年1月1日 前所賺取的里數有效期！另外，要免費延長里數有效期，還可用其他方法可以達成！詳情可閱內文。
只要在優惠期內成功申請渣打國泰 Mastercard 或憑「獎賞錢」兌換 20,000 Asia Miles，就可以免費延長於 2020年1月1日 前所賺取的里數有效期！包括於2022年1月-9月因有效期已屆滿而被扣除的里數。
可以，你可以由 A 銀行轉入 20,000 Asia Miles、再由 B 銀行轉入 10,000 Asia Miles 以滿足 30,000 Asia Miles 的要求。
其他相關
Asia Miles 兌換規則
- 大集合 | Asia Miles 相關教學
- 累積方法 | 可儲 Asia Miles 的信用卡大集合
- 兌換規則 | 2020年4月起單程機票不再有 Stopover
- 兌換表格 | oneworld Partner 航空公司的兌換表格
- 兌換教學 | 查查 Asia Miles 座位供應 + 兌換機票教學
- 混艙兌換 | 29,800 Asia Miles 就換到兩程經濟艙+頭等艙
- 甩尾大法 | 慳 20% 里數搭 Business 去北美
- 機駁機大法 | 用 3,000 里玩多 1 個城市？
- 寰宇一家獎勵換算表 | 105,000 Asia Miles 換張環球機票 |
- 3 個值得用 Asia Miles 換 HK Express 機票的原因
- Asia Miles 換機票無位？可以在國泰官網用「里數加現金」訂機票！
Asia Miles 兌換例子
- 【日本】亞洲萬里通 | Asia Miles 換機票教學篇
- 【韓國】亞洲萬里通 | Asia Miles 換機票教學篇
- 【台灣】亞洲萬里通 | Asia Miles 換台灣機票教學篇
- 【歐洲】亞洲萬里通 | Asia Miles 換歐洲機票教學篇
- 【澳紐】亞洲萬里通 | Asia Miles 換澳洲 & 紐西蘭機票教學篇
- 【美加】亞洲萬里通 | Asia Miles 換美國 & 加拿大機票教學篇
- 【東南亞】亞洲萬里通 | Asia Miles 換東南亞 & 南亞機票教學篇
- 【北歐五國】亞洲萬里通 | Asia Miles 換芬蘭 & 冰島機票教學篇
- 【非洲】亞洲萬里通 | Asia Miles 換摩洛哥 & 埃及 & 南非機票教學篇
我6月5日用AE積分換左3萬里.8月都未見成功延期,就聯系佢地問,佢地叫我9月尾再睇睇有冇成功.剛剛(9月30日)又聯系佢地.點知佢地答我AE卡不适用哩個優惠!有冇人成功用AE換3萬里而延期到?
點知佢地答我AE卡不适用哩個優惠!有冇人成功用AE換3萬里而延期到?
^AE 轉入嚟嘅分應該要計先啱，我覺得有機會係 CS 唔熟書，可以搵另一個 CS 再問多次～
更新一下先.經過一再查問及申訴.最終話我有資格並成功,但快一直沒有看到過期的里數入返帳.收到再同大家滙報!
謝謝 update <3
請問,我啲asiamiles積分10月尾到期, 而家填表同埋兌現積分可唔可以延長積分到期日?
如果你堆里數係 2020 年儲落嘅話，咁就一係宜家用咗佢去換機票、一係就玩上面 7 個 campaign 入面嘅其中一個 renew 佢哋嘅過期日～
如果要玩 campaign 嘅話就盡快玩，因為唔知佢十月仲有冇得咁玩～
我5月份將AE分數轉30000里數，當時需要填表嗎？我7月電郵查詢時，叫我8月尾都未延續就再查詢，都冇提要填表，我剛電話查詢，佢話我當時冇填表，做唔到，叫我而家再轉過… 我當然嘈佢，佢而家叫我cap番email 俾佢哋睇… 都唔知點算
印象中 lee 個 campaign 係 2022 年年頭開始行嘅，然後國泰係每 3 個月續一次～
而第一期 1-3 月果陣係冇填表嘅要求，但 4-6 月同宜家 7-9 月嘅 lee 兩期活動都有填表嘅要求～
當時轉前特登上嚟爬文，見唔到話要填form，以為好似之前咁，而家蝕晒
憑信用卡積分兌換 30,000 Asia Miles 包括 Citibank PremierMiles？但已經截止？（只要你於 2022年6月30日 或之前）
update 漏咗果一 part~ 啱啱 udpate 翻個日期做 9月30 啦～ 多謝指正 🙏🏻
‘ 購買由國泰航空銷售及營運的 2 段航班’ 这个好像没有看到有？前往官网填表显示此活动已经结束
剛剛翻查了一下，活動還在哦～但不確定所在地區的不同會不會影響所顯示的結果～
https://www.cathaypacific.com/cx/zh_HK/offers/mileage-renewal.html?switch=Y
多谢！
方法1,我渣打之前有被網上盜用,同佢攪咗好耐,張卡唔敢用,最後我有戶口都話要收我2000年費,上年年尾CUT卡CUT戶口走咗,結果尾段分都蝕埋,1覺得佢記仇,2都唔係好敢用佢張卡,有冇其他方法?我CITI REWARD只換到1萬8千里,係咪唔可以比錢買里數/其他方法?我ASIAMILE出年年頭到期,黎緊幾個月會買IPHONE同其他雜費,大約碌到2萬,但我計過DBS都只係頭5000蚊1萬里,仲有冇得救?定係用就到期的ASIAMILE加 CITI REWARD分 兌一張最遠期短途單程算?
正當嘅方法就真係得 lee 七個，而 Asia Miles 官方亦都冇賣里數，所以要用邊個方法就真係要你自己衡量啦～
唔正當嘅方法就係用晒啲里數去 book 張機票然後博航空公司主動取消班機，然後等佢回翻啲里數俾我哋同順便 extend 個有效期～ 但 lee 個就真係好睇彩數，唔係 100% 保證會發生嘅野～
我就咁聽落你會過期嘅里數應該唔係好多（within 50,000 里），而我自己如果面對咁嘅情況嘅話，我應該會換張遠期機票就算，因為世界都逐漸解封翻～
唔該晒你,咁我換張最遠期算咯~~
👍🏻
我2020年1月後嘅積分，240,000喺今年5月31號到期，頭先問Asia Miles，佢話我只可以兌換禮品，佢話就算我開信用卡獎賞錢都唔可以恢復五月過咗期嘅分，我只可以而家用晒佢，請問知唔知有咩其他方法
ummm… 聽落唔多 make sense，因為拎得嚟換禮物即係代表啲里數有效，而里數既然有效嘅點解唔可以用嚟換其它嘢（機票、酒店 etc）？
我覺得 lee 個 moment 可以做嘅係再打多次上去 hotline 問第二個 CS～ 我覺得係第一個 CS 唔熟書～
我已經填好表格交回, 亦成功用AE卡兌換左30000miles了, 請問大約要等多久才會睇到舊里數成功延期呢?
我自己是等了約一個月才看到里數有成功續期，所以這件事是需要大量耐性的～
想請問你填完張form有無收到email確認？我等左兩日都無未敢兌換mileage去extend。
我係上一期活動果陣轉 Asia Miles 入去嘅，而上一期活動冇填表 Lee 個要求～
所以我都唔 sure 今期填表會唔會收到 email confirmation，而有疑慮嘅我覺得可以用 online chatroom 問問 Asia Miles CS～
我剛剛填完, 幾分鐘後就收到confirmation email from CX了
👍🏻 thank for sharing
我填左三次都無 😮💨
想問一吓, 我已經有渣打國泰Master Card, 而我在這段期間內兌換超過30000里, 是否合資格申請延長里數有效期？
如果果 30k Asia Miles 係嚟自渣打國泰 Mastercard 嘅話，咁係唔計數嘅～ 因為 lee 個 campaign 只係計手動存入嘅 Asia Miles，而渣打果張卡係自動將 D 里數存入 Account 嘅，所以唔計~
憑信用咭積分換30,000分之後，asia miles自動識得process延長,唔需要填咩form?
上一期活動係 2022年1-3月，我果陣實測係冇填任何 form，佢識自動 process 延長～ 但今期活動佢好似多咗張表要填～
https://cathaypacific.formstack.com/forms/points_conversion_mileage_renewal_tc
中銀信用卡積分用唔用得?
可以啊，Asia Miles 官網有 List 咗 Lee 堆適用嘅中銀信用卡～
https://www.asiamiles.com/zh/earn-miles/finance-insurance/partner-detail.finance.point-conversion.ap.hong-kong.hong-kong.html/boc
Thanks for sharing ~
於 2022年6月30日 或之前憑渣打「亞洲萬里通」定期存款戶口賺取 40,000 Asia Miles, 幾乎不可能.
https://www.sc.com/hk/zh/promotions/asia-miles-time-deposit-rewards/
認同，我覺得用如果有 6 個月時間同 HK$1Mil 嘅話，我都唔會擺落銀行做定期～ 我會偏向 take 一個高啲嘅風險、擺其他地方拎更好嘅的回報～
成功申請渣打國泰 Mastercard 但洗吾洗一定要簽夠幾多先 可以將 2020年1月1日 前所賺取的里數有效期免費延長？
冇話要簽幾多～ Terms 咁寫：
//全新信用卡客戶* 迎新禮遇
免費延續里數有效期
於2022年3月31日或之前透過國泰網站成功申請，並在2022年4月15日或之前獲發出渣打國泰Mastercard，我們將免費更新你在2020年1月1日前所賺取的里數結餘有效期。你只要在日常消費用新卡簽賬，你所有的里數有效期即會自動延長。//
https://www.cathaypacific.com/cx/zh_HK/offers/standard-chartered-cathay-mastercard/exclusive-offers.html