我們目前可以用 60,000 Asia Miles 就能夠由香港來回美國或加拿大西岸，84,000 Asia Miles 更可香港來回美國和加拿大的東岸。但國泰宣佈會在 2023年10月1日起調整兌換標準，到時換經濟艙來回西岸就只需 54,000 Asia Miles，來回東岸亦只需 76,000 Asia Miles！
順帶一提，香港特區護照／BNO 護照持有人去美國旅行是需要辦理 B1/B2 美國簽證；而前往加拿大時則需要辦理 eTA。
Asia Miles 兌換表格
飛行距離 | mi | 香港出發例子 | 經濟艙 | 特選經濟艙 | 商務艙 | 頭等艙 | ||||
原收費 | 10 月起 | 原收費 | 10 月起 | 原收費 | 10 月起 | 原收費 | 10 月起 | ||
1-750 | 台北／高雄／河內 | 7,500 | 7,500 | 11,000 | 11,000 | 16,000 | 16,000 | 不適用 | 不適用 |
751-2,750 | 類別 1 | 首爾／新加坡／曼谷 | 10,000 | 10,000 | 18,000 | 20,000 | 25,000 | 28,000 | 40,000 | 43,000 |
751-2,750 | 類別 2 | 東京／大阪／峇里 | 10,000 | 12,500 | 18,000 | 23,000 | 25,000 | 32,000 | 40,000 | 50,000 |
2,751-5,000 | 悉尼／墨爾本／杜拜 | 22,000 | 20,000 | 30,000 | 38,000 | 45,000 | 58,000 | 70,000 | 90,000 |
5,001-7,500 | 美洲外 | 倫敦／巴黎／奧克蘭 | 30,000 | 27,000 | 40,000 | 50,000 | 65,000 | 84,000 | 100,000 | 125,000 |
5,001-7,500 | 美洲 | 舊金山／洛杉磯／溫多華 | 30,000 | 27,000 | 45,000 | 50,000 | 70,000 | 84,000 | 110,000 | 125,000 |
7,501+ | 紐約／波士頓／多倫多 | 42,000 | 38,000 | 60,000 | 75,000 | 85,000 | 110,000 | 125,000 | 160,000 |
在亞洲萬里通標準獎勵的兌換表格中，我們可以知道它是以距離為兌換邏輯。
向美洲西岸飛 5,001-7,500 mi 的距離就需要 30,000 Asia Miles 就能換到單程經濟艙，而飛商務艙則需要 70,000 Asia Miles！向東岸飛 7,501+mi 的距離就需要 42,000 Asia Miles 就能換到單程經濟艙，而飛商務艙則需要 85,000 Asia Miles！
國泰已宣佈會在 2023年10月1日起調整兌換標準，簡單來說是經濟艙會減價、飛商務艙會加價。到時候我們只需要用 27,000 Asia Miles 就可以換到一趟去美洲西岸的經濟艙、去東岸也就只需要 38,000 Asia Miles。但換商務艙則需加碼至 84,000 Asia Miles 才能飛去西岸、去東岸更需要 110,000 Asia Miles！
需要留意的是，上面的這張表格就只能夠換國泰航空的航班。 至於美國航空等合作伙伴的航班，則是要看另一張 Partner 兌換表格，收費會比較貴。
ps. 如果有問題／想跟大家分享你相關的經歷，歡迎在文章底部留言！
可用航班
國泰航空 | 直航美國／加拿大的航班
截至 2023年7月6日，在兌換由香港前往美國和加拿大航班時，我們有以下的直航選擇：
| 國泰航空航線 | 2023年7-9月 | 2023年10月-2024年6月 | 單程經濟艙 | 現有收費 | 單程經濟艙 | 10月新收費 |
|---|---|---|---|---|
| 香港-舊金山 | O | O | 30,000 Asia Miles | 27,000 Asia Miles |
| 香港-洛杉磯 | O | O | 30,000 Asia Miles | 27,000 Asia Miles |
| 香港-西雅圖 | X | X | 要轉機 | 要轉機 |
| 香港-溫哥華 | O | O | 30,000 Asia Miles | 27,000 Asia Miles |
| 香港-紐約 | O | O | 42,000 Asia Miles | 38,000 Asia Miles |
| 香港-波士頓 | O | O | 42,000 Asia Miles | 38,000 Asia Miles |
| 香港-芝加哥 | X | O | 42,000 Asia Miles | 38,000 Asia Miles |
| 香港-華盛頓 | X | X | 要轉機 | 要轉機 |
| 香港-多倫多 | O | O | 42,000 Asia Miles | 38,000 Asia Miles |
來回的價格是單程的兩倍，可以不同點進出（Open-Jaw），可以混艙！
合作伙伴 | 可以搭美國航空嗎？
在疫情前是可以的，但現在就現在不能了。理論上，我們是可以用亞洲萬里通去兌換美國航空的航班，包括有：
- 香港-洛杉磯 | 40,000 Asia Miles
- 香港-達拉斯 | 47,000 Asia Miles
但美國航空已經表明它無意復辦以上兩條航線，所以我們也自然地不能搭美國航空去美國啦。
合作伙伴 | 可以在美國轉機嗎？
用 American Airlines 的網絡
一牽涉到轉機，那就會用上美國航空（American Airlines）的航班，即使只是其中一程都好，我們都要用合作伙伴的兌換表格，所以以下這堆航線都要 40,000／47,000 Asia Miles 才換到單程，而非國泰表格中的 30,000 / 42,000 Asia Miles。（而我們也相信相關的兌換標準會在 2023年10月1日進行調整。）
- 40,000 Asia Miles
- 香港-洛杉磯-拉斯維加斯 | 國泰航空+美國航空
- 47,000 Asia Miles
- 香港-洛杉磯-墨西哥城 | 國泰航空+美國航空
- 香港-洛杉磯-邁阿密 | 國泰航空+美國航空
美國航空的網絡雖然很廣，但有一個不好的地方就是不能夠直接在網上兌換，要打電話才可以換到這機票。
用 Alaska Airlines 的網絡
不要誤會，阿拉斯加航空並不是只在阿拉斯加洲有業務；相反，它是一間區域型航空公司，在美國西岸的多個大城（舊金山、洛杉磯、西雅圖）都有多條航線。它也是 Asia Miles 的合作伙伴，所以我們可以用 Asia Miles 換出國泰+阿拉斯加航空的轉機組合。更重要的是它可以直接上網換，換它會比換美國航空方便得多！
順帶一提，你也可以在《阿拉斯加航空奧克蘭-西雅圖體驗 | OAK-SEA》找到阿拉斯加航空的乘搭體驗。
btw. 如果你覺得這篇教學對你有幫助的話，我想邀請你免費訂閱電子報，好讓我們可以定期寄送更多類似教學給你！
用 oneworld 表格多換 2 個 Weekend Trip
如果你本身就想換 Business Class 去美國、然後假期又夠彈性的話，就可以用 oneworld 表格去換！因為它可以讓我們用相約份量的里數，卻換出額外 2 個 Weekend Trip！
去北美洲西岸 | 165,000 Asia Miles
如果你正打算去美國，你也可以考慮用 oneworld 表格來換機票，因為這就像是換一套來回美國的 Business Class 時，多送 2 套亞洲區內的來回 Business Class 機票。
| 日期 | 航線 | 航空公司 | 距離 | mi | 分類 |
|---|---|---|---|---|
| 01JAN | 香港-舊金山 | 國泰航空 | 6,927 | 停留 1 |
| 10JAN | 舊金山-洛杉磯 | 阿拉斯加航空 | 337 | 轉機 1 |
| 10JAN | 洛杉磯-香港 | 國泰航空 | 7,260 | 停留 2 |
| 01APR | 香港-台北 | 國泰航空 | 501 | 停留 3 |
| 05APR | 台北-香港 | 國泰航空 | 501 | 停留 4 |
| 01AUG | 香港-東京成田 | 日本航空 | 1,805 | 停留 5 |
| 10AUG | 東京成田-香港 | 國泰航空 | 1,805 | – |
這套機票的總飛行距離為 19,210 mi，目前全程經濟艙需要 105,000 Asia Miles 來換，而全程商務艙就只需 165,000 Asia Miles。
平日用標準表格換商務艙來回香港-美國西岸的話，因為沒有假單程兌換法了，現在會需要 70,000 x 2 = 140,000 Asia Miles 才可以換到。但運用 oneworld 的表格後，我們變相是加多 25,000 Asia Miles 就多了 4 程亞洲區內的 Business Class，可以在週末去台北與東京來個小旅行。
在這個例子中，舊金山也可以換作其他西岸的直航航點，例如是溫哥華、西雅圖，詳細教學可見《說說 oneworld 寰宇一家獎勵換算表》。
在 2023年10月加價後，同樣飛 19,210mi 的距離、全程搭經濟艙會需要用 115,000 Asia Miles 去換，而搭商務艙則需要 230,000 Asia Miles。
但即使加了價，我們還是有玩 oneworld 表格的誘因。
同樣換 1 長 2 短共 3 個旅行的機票時，用標準賞的表格會需要 84,000 x 2 + 32,000 x 2 + 16,000 x 2 = 264,000 Asia Miles！而使用 oneworld 大法就只需要用 230,000 Asia Miles，它有幫我們節省了 34,000 Asia Miles 哦！
去北美洲東岸 | 185,000 Asia Miles
| 日期 | 航線 | 航空公司 | 距離 | mi | 分類 |
|---|---|---|---|---|
| 01JAN | 香港-紐約 | 國泰航空 | 8,072 | 停留 1 |
| 10JAN | 紐約-香港 | 國泰航空 | 8,072 | 停留 2 |
| 01APR | 香港-吉隆坡 | 馬來西亞航空 | 1,575 | 停留 3 |
| 05APR | 吉隆坡-香港 | 國泰航空 | 1,575 | 停留 4 |
| 01AUG | 香港-東京成田 | 日本航空 | 1,842 | 停留 5 |
| 10AUG | 東京成田-香港 | 國泰航空 | 1,842 | – |
這套機票的總飛行距離為 22,977mi，目前全程經濟艙需要 115,000 Asia Miles 來換，而全程商務艙就只需 185,000 Asia Miles。
平日用標準表格換商務艙來回香港-美國東岸的話，現在會需要 85,000 x 2 = 170,000 Asia Miles 才可以換到。但運用 oneworld 的表格後，我們變相是加多 15,000 Asia Miles 就多了 4 程亞洲區內的 Business Class，可以在週末去吉隆坡與東京來個小旅行。
而紐約也可以換作其它國泰在北美洲的直航航點，例如是波士頓、多倫多、華盛頓、芝加哥，詳細教學可見《說說 oneworld 寰宇一家獎勵換算表》
在 2023年10月加價後，同樣飛 22,977mi 的距離、全程搭經濟艙會需要用 126,000 Asia Miles 去換，而搭商務艙則需要 250,000 Asia Miles。
但即使加了價，我們還是有玩 oneworld 表格的誘因。
同樣換 1 長 2 短共 3 個旅行的機票時，用標準賞的表格會需要 110,000 x 2 + 28,000 x 2 + 32,000 x 2 = 340,000 Asia Miles！而使用 oneworld 大法就只需要用 250,000 Asia Miles，它有幫我們節省了 90,000 Asia Miles 哦！
美國運通 Explorer® 信用卡
暌為三個月，AE Explorer 卡終於推出了迎新優惠！
這輪的限時優惠就只會由即日起至 2023 年 10 月 4 日期間維持不夠半個月，所以請好好把握機會申請這張可讓我們每年免費使用 8 次全球 Plaza Premium Lounge 的信用卡！ 只要你在過去 12 個月內沒有持有和取消過任何美國運通卡，你就可以免年費申請 AE Explorer 卡並享有新會員優惠+。你只需要在批卡後的 3 個月內完成首筆簽賬，即使是去便利店買包紙巾都也可，然後就可以賺到 HK$500 簽賬回贈！相關回贈會在簽賬後的 8 個星期內由 AE 存入你的信用卡賬戶，無需額外填表。
如果你已經持有其他 AE 卡，只要你在過去 12 個月內沒持有和取消過 AE Explorer 卡，你申請時則可享現有會員優惠#。同樣地，你需在批卡後的 3 個月內完成首筆簽賬，然後就可以賺到 HK$300 簽賬回贈。
除了有迎新優惠外，平日憑 AE Explorer 卡去消費也很有用，例如憑卡去買電器的話會有多送一年保養；而憑卡繳付旅費的話，我們更可享高達 HK$3,500,000 的旅遊意外保障！詳情請見以下連結。總結
如果你有打算用 Asia Miles 換經濟艙去美國或加拿大玩的話，大可以等 2023年10月完成改表後再去換也未遲，因為這樣做可以幫你節省到里數。
但如果你有打算用 oneworld 大法一次過換好幾套機票，又或是打算換 Business Class 去美國的話，那就請你盡快行動！要趕在 2023年10月1日改表前就換好機票，好以節省你寶貴的里數啊啊啊！
其他相關
Asia Miles 兌換規則
- 大集合 | Asia Miles 相關教學
- 累積方法 | 可儲 Asia Miles 的信用卡大集合
- 兌換規則 | 2023年10月用 Asia Miles 換國泰有新收費！
- 兌換表格 | oneworld Partner 航空公司的兌換表格
- 兌換教學 | 查查 Asia Miles 座位供應 + 兌換機票教學
- 混艙兌換 | 29,800 Asia Miles 就換到兩程經濟艙+頭等艙
- 甩尾大法 | 慳 20% 里數搭 Business 去北美
- 機駁機大法 | 用 3,000 里玩多 1 個城市？
- 寰宇一家獎勵換算表 | 155,000 Asia Miles 換張環球機票
- 3 個值得用 Asia Miles 換 HK Express 機票的原因
- Asia Miles 換機票無位？可以在國泰官網用「里數加現金」訂機票
Asia Miles 兌換例子
- 【日本】亞洲萬里通 | Asia Miles 換機票教學篇
- 【韓國】亞洲萬里通 | Asia Miles 換機票教學篇
- 【台灣】亞洲萬里通 | Asia Miles 換台灣機票教學篇
- 【歐洲】亞洲萬里通 | Asia Miles 換歐洲機票教學篇
- 【澳紐】亞洲萬里通 | Asia Miles 換澳洲 & 紐西蘭機票教學篇
- 【美加】亞洲萬里通 | Asia Miles 換美國 & 加拿大機票教學篇
- 【東南亞】亞洲萬里通 | Asia Miles 換東南亞 & 南亞機票教學篇
- 【北歐五國】亞洲萬里通 | Asia Miles 換芬蘭 & 冰島機票教學篇
- 【非洲】亞洲萬里通 | Asia Miles 換摩洛哥 & 埃及 & 南非機票教學篇
打算用亞萬兌換加航的溫哥華至香港商務艙，是不是要 10 月前兌換比較好
係，相信用 Asia Miles 換 Air Canada 都會加價，就只係未知會加成點
請問下如果CX兌換加航的話，網上邊度可以查到餘票？^^
可以參考 United 聯合航空嘅 System，但最終都係以 Asia Miles CS 嘅資料作準～
打算10月去美國，想用asiamile換香港去美國的business class機票，但等咗好耐都見唔到任何航空公司有放business class機票，想問依家係咪唔會再有去美國嘅business機票換? 仲有甚麼其他方法可以換到去美國嘅business機票? thank you
lee 個 moment 難啲換到，除咗本身運力唔夠之外、Asia Miles 仲要改表，所以好多人同時間燒緊里數搶緊位～ 唯一有小小可能嘅係等 last minute 先有機會有位～
另外一個 approach 係試下搵埋 JAL HND/NRT-SEA/SFO/LAX/BOS/JFK/ORD/DFW 同 KIX-LAX 之間有冇位，搵到有位再自己諗方法飛去日本駁腳過去～
JAL係咪都係喺CX個兑換機票網頁到搵? thank you
yes
Base 在台灣，有辦法也這樣換到三套嗎？
可以啊，可以組合一下國泰、JAL 和馬來西亞航空的航班～
你好,請問如果one world飛可以用混艙嗎?
打算行以下行程, 但唔肯定點樣換最好, 望指教謝謝
HKG > LAX Business
JFK > HKG Business
HKG <> TPE Economy
HKG <> Tokyo Economy
你好,請問如果one world飛可以用混艙嗎?
^可以，但 oneworld 飛唔會因為我地混咗艙而收費平咗～ 佢一律都係按翻最高果個 class 去收嘅～
打算行以下行程, 但唔肯定點樣換最好, 望指教謝謝
HKG > LAX Business
JFK > HKG Business
HKG <> TPE Economy
HKG <> Tokyo Economy
^換條 oneworld 飛啦～ 美國可以搭到 Alaska / American Airlines，東京可以搭到 JAL~ 加埋就夠航空公司嘅數目換 oneworld
唔好意思, 如果我最終都只係想target HKG>LAX, JFK >HKG呢兩程要buisness, 另外兩程比錢搶平飛都ok既話, 咁請問混艙/甩尾會唔會好d?
因為其實另外兩程係好firm但我7月就飛美國, 未有咁多miles haha…唔該哂你!!
LAX 唔太適合甩尾，因為佢個飛行距離好貼近 7500mi，所以冇咩甩尾嘅空間同價值～
JFK-HKG 係可以用甩尾嘅，補多段香港出發嘅長途經濟艙去拉低前面 JFK-HKG Business Class 嘅收費～
請問直航多倫多係咪得國泰？又如果我想由香港先飛東京，再飛多倫多，跟住直返香港，可以點樣換最好？
請問直航多倫多係咪得國泰？
^亞洲出發嘅話，oneworld 成員入面係得國泰可以直飛到多倫多
又如果我想由香港先飛東京，再飛多倫多，
^可以用 JAL 由東京飛去美國先，然後再轉 American Airlines 嘅機上去 Toronto~
跟住直返香港，可以點樣換最好？
^砌條 oneworld 飛～
你好，我想請教一下，如果我想由香港飛芝加哥停留幾日，，然後芝加哥飛華盛頓停留幾日，然後再從華盛頓飛東京，再停幾日，然後再飛香港，商務艙應該點樣玩最抵呢
試試砌條 oneworld 飛啦～
我就只數都已經數到你會飛國泰 + AA + JAL，已經滿足到出 oneworld 飛嘅要求～
所以你睇住個飛行距離，係翻到香港之後加個 weekend 去泰國／台灣／韓國 etc 啦～
你好.想請教一下我想飛溫哥華-東京-香港-溫哥華，停東京大約一星期，香港大約兩周。請問應該怎樣出飛？我嘗試用普通multicity方法check所需里數，但網站話error. 太多stopover/transfer/openjaws……
我嘗試過理解，但完全不明白。所以想麻煩你，向你請教一下。謝謝
你 lee 個 case 一係就分 3 個單程去換，YVR-NRT 一程、NRT/HND-HKG 一程、然後 HKG-YVR 一程～
另一個做法就係砌條 oneworld 飛~
1. YVR-NRT, JL, stopover1
2. HND-HKG, CX/JL, stopover2
3. HKG-YVR, CX, stopover3
4. YVR-LAX-???, AA, stopover4 + transfer1
5. ???-LAX-YVR, AA, transfer5
簡單來說就是加一個 weekend trip 去美國／中南美洲玩玩～
你好
Asiamile改咗制，之前問過其他KOL話已經無得玩混倉/假單程，但見到你嘅教學有甩尾大法仍然可以變多兩套weekend trip
想請教如果想去溫哥華/多倫多坐business
係咪可以免費再換到去東京+曼谷嘅business?
純粹想用盡啲分抵啲
去邊都冇所謂
可否教一教我點用🙏🏻🙏🏻🙏🏻
另一大難題係我想換2023年8月嘅機票去加拿大，但上官網無機位可以用miles換
係咪因為多過180日所以無？定係好難會有？🙏🏻
Asiamile改咗制
^Yes，2020年改咗單程只可以轉機、唔可以做 stopover
之前問過其他KOL話已經無得玩混倉/假單程
^Yes，假單程已死、但混艙冇
但見到你嘅教學有甩尾大法仍然可以變多兩套weekend trip
^甩尾大法唔會多兩個 weekend trip，甩尾大法係用黎減少回程 Business Class / First Class 嘅收費嘅
要多兩個 weekend trip 係要用 oneworld 表格換，相對平時單程／來回咁換係另一個體系嘅嘢嚟
想請教如果想去溫哥華/多倫多坐business
係咪可以免費再換到去東京+曼谷嘅business?
^唔至於免費多兩個 weekend trip 嘅又，不過係加多小小里數咁~
搭國泰 Business 飛 HKG-YVR 要 70,000 Asia Miles，來回就 140,000 Asia Miles~
如果係用 oneworld 嘅換法嘅話， HKG-YVR-HKG, HKG-BKK-HKG, HKG-TYO, FUK-HKG 咁樣飛嘅總飛行距離係 17,962mi，應該用 155,000 Asia Miles 就可以換到~
當中 HKG-BKK 或者 BKK-HKG 要搭 Royal Jordanian 嘅機、HKG-TYO 要搭日航～
亦即係俾多 15,000 Asia Miles 就多咗 4 程 business 可以飛～
另一大難題係我想換2023年8月嘅機票去加拿大，但上官網無機位可以用miles換
係咪因為多過180日所以無？定係好難會有？🙏🏻
^要捕住，最啱就係搭車碌手機果陣日日都去碌下睇下有冇位～
想問下如果想由hkg to yvr 可以點配搭比較抵？
如果你單純換一個 trip 嘅話，咁就冇咩特別，直接搵國泰直飛嘅機票換就得～ 如果你有美國簽證就會方便啲，因為可以經美國轉機去會多好多選擇～
如果你一次過換幾個 trip 嘅話，我自己會 HKG-LAX/SFO-YVR-HKG, HKG-NRT-HKG, HKG-東南亞-HKG 咁樣砌，一次過用 oneworld 表去換會抵啲～
唔好意思 – 想問下你提到 – 如果你有美國簽證就會方便啲，因為可以經美國轉機去會多好多選擇～
可唔可以講多少少？thx
有美國簽證會易搵到機票啲嘅原因係純粹選擇多咗～ 冇美國簽證嘅話，由香港飛溫哥華一係就搭一日得兩班嘅國泰直飛嘅航班，一係就經東京轉機一日一班咁去，可用嘅選擇唔多～
如果你有美國簽證嘅話，咁就可以用埋 American Airlines 同埋 Alaska Airlines 嘅航班～ 咁你就可以搵國泰直飛洛杉磯嘅機先，lee 度就已經一日有 2-3 班機～ 然後去到美國再駁一程機上去溫哥華~（疫情前國泰仲有飛西雅圖，然後西雅圖駁一程 Alaska 上去溫哥華都好方便，但宜家唔知幾時先有翻 lee 條航線～）
thanks for your reply!
想問下混艙
hkg -> yvr (J class)
yvr -> nrt (Y class)
如果咁換，yvr係咪會當左轉機，只可留 24小時？
thx
yvr係咪會當左轉機，只可留 24小時？
^yes，只可留 24小時
你好:
全程商務艙就 165,000 Asia Miles??
唔可以包埋 Air Canada 嘅機落去啊，因為佢唔係 oneworld 成員，所以用 oneworld 個表係換唔到佢嘅～
想問依家仲可唔可以換你嘅例子：去北美洲東岸 | 185,000 Asia Miles 三張商務機票？
唔得，主要嘅問題係 HKG-BKK lee 段嘅 Royal Jordanian 未 resume 翻，所以成條飛 fulfill 唔到加兩個合作伙伴嘅要求～
而改飛嘅方法有幾個：
1. 兜小小路去馬來西亞搭馬航～ HKG-BKK 改搭國泰啦，然後回程果陣換程馬航 BKK-KUL 轉國泰 KUL-HKG 嘅機～ 咁樣就可以 fulfill 到個要求而唔需要額外里數～
2. 係美國搭一搭美國航空～ HKG-JFK 照搭國泰啦，然後回程果陣換程美國航空嘅機去 JFK-SFO / LAX 轉國泰翻香港嘅機，然後曼谷果兩程可以飛晒國泰佢～
另外，無論係 take 邊個 plan 都好，HKG-HND-HKG lee 段都有機會要改做 HKG-NRT-HKG，因為羽田 d 機會回復得切～
Hi, 請問你知不知用Asia miles 兌換加航國內線 YVR-YWG 的經濟艙或商務艙是否包含免費托運行李？如有，知道是多少件嗎？謝謝
Not sure. 未用過 Asia Miles 換 Air Canada 嘅機，所以手上冇數據～ 啱啱都打過上去 asia miles hotline 問，CS 話佢都冇相關嘅資料，要我地自己打去問 air canada～
唔好意思，如果12月頭去香港去Miami的話應該如何換機票呢 (有140000分)? 睇咗Alaska airline exchange with miles 無飛喎⋯⋯喺國泰度如果要轉機有冇得redeem飛or stopover ??? Sorry 等緊你本書寄來😅新手唔好意思
所以你係想用asia miles 換定用 alaska miles 換? Asia miles 既就用 LAX 或者 DFW 轉機過去啦~ 47k one-way
小編，請問如果想openjaw HKG->YVR, YYZ->HKG應該點換會最抵呢？🙏🏼
YYZ-HKG 之後再 Free one-way 個地方啦～ 可以做到 YYZ-HKG, stopover, HKG-JFK/SYD/AKL/JNB/LHR/CDG 42,000 Asia Miles in total
請問如果由香港去Vancouver，Houston，New York呢3個地方，應該點換？ 次序無所謂。
唔好意思，我睇左好多次都唔明點個遊戲玩法。謝謝你
1. hkg-yvr, stopover, yvr-jfk, CX, 42,000 Asia Miles
2. jfk-iah, 自費
3. iah-dfw-hkg, AA, 47,000 Asia Miles
你好，想問一下，如果是香港到邁阿密，怎麼樣換比較好？
想的是從紐約轉，香港-紐約-東京，但是因為是6月，時間太近，所以兌換不到回程了。。都是waiting list
理論上，是換假單程最划算：
1. HKG-JFK, stopover, JFK-TYO, 47,000 Asia Miles
2. TYO-HKG, 10,000 Asia Miles
3. JFK-MIA-JFK, 30,000 Asia Miles
但是如果用正常的換法，其實也不是差太遠～
1. HKG-JFK-MIA, 47,000 Asia Miles
2. MIA-JFK-HKG, 47,000 Asia Miles
用以上方法換時，我們就不一定要用 JFK 做轉機點，用 LAX/SFO/DOH/LHR/HEL 都可以轉到機去，彈性應該有較大～
你好。請問去程台北→舊金山，回程洛杉磯或聖地牙哥→台北，可以在香港或東京轉機，不限航空公司，需要亞洲萬里通幾點點數 ? 謝謝。
TPE-HKG-SFO 這程搭國泰，經濟艙需要的是 30,000 Asia Miles
SAN-TYO-TPE 這程搭JAL，經濟艙需要 40,000 Asia Miles；如果你喜歡的話，飛 LAX-TYO-TPE 也是可以的～
你好, 請問我想用假單程 台北(TPE)-檀香山(HNL)-東京NRT , 為什麼會顯示一片空白呢
因為 TPE-HNL 之間並沒有 oneworld 的直航航班，要經東京／大阪轉機才可以去到，而這樣已經用完了兩個航段，不能使用假單程的方法兌換哦～就只能分開 TPE-TYO-HNL 和 HNL-TYO-TPE 兩個單程換啦～
請問如果去程 可以 香港-> London(stop over) -> Toronto 嗎？
可以啊～ 後段 LHR-YYZ 用英航就可以了～
小編, 係咪即係可以用42,000 asia miles換到以下航程? 如果要混倉係要幾多里數? Thanks!
BOS – HKG – FRA
全是 Econ 的話，是 42,000 Asia Miles 哦～
混艙的部份你可以試著自己計算一下，然後我可以幫你驗算～
請問, 我想用Asia miles搜尋兌換KHH-BOS的來回商務機票
但是為什麼當我在AM網站上 出發地輸入KHH時, 目的地無法是BOS ??
我有足夠AM哩數+SPG, 足夠兌換商務, 轉機城市不限, 預計2019/3月底~4月初出發
請問, 有什麼方法可以線上兌換呢? 或者,一定要打客服兌換嗎? 謝謝
試一下用 CathayPacific.com 去查，結果會比較齊全；而如果不需要在香港停留的話，那麼也可以在網上直接換到～
我查了下多個目的地的如下：
香港–東京（國泰）
東京–紐約（日航）
紐約–香港（國泰）
全程下來僅需要57000, 商務也只需11500 ？比香港直飛紐約來回要80000+，真系抵到爛ar……
是啊！所以假單程用得好的話真的可以省超多的～
請問
我想兌換台灣溫哥華的免費機票, 但是在萬里通的網頁上卻無法選擇航空公司, 按了之後都沒有表格可以讓我選, 請問這是為甚麼?
我猜你想換的航線是 Air Canada 的 TPE-YVR，但是這是用 Asia Miles 換不了的，因為在亞洲萬里通和加拿大的合作協議中，我們就只能換以下的航班：
//會員可兌換由下列加拿大航空營銷及營運的航班
– 往來溫哥華及卡爾加里、埃德蒙頓、基隆拿、蒙特利爾、多倫多、維多利亞、溫尼伯的航班
– 往來多倫多及哈利法克斯、蒙特利爾、渥太華、魁北克、里賈納、薩斯卡通、聖約翰、溫尼伯的航班//
解決方法是經香港轉機，換 TPE-HKG-YVR，需要 30,000 Asia Miles 單程；又或是換 JAL 的 TPE-TYO-YVR 也可以，不過就需要多一點的里數。
瞭解了, 有點失望, 因為我原本以為可以換的說. 謝謝你的回應