人生中總有些時刻你會需要跨境匯款,可能你是要移民、要到海外留學、Exchange,又或只是單純地想將資金轉移到海外。如果經銀行匯款的話往往都會有高額手續費,而 Wise(前稱 TransferWise)則提供了一個收費低廉、透明且高效的跨境匯款方法。
以下會示範如何用 Wise 將資金由香港銀行匯到位於英國的 Monzo 銀行賬戶。
但不論如何,即使你不是要用 Monzo 都好,以 Wise 進行匯款的手續都是大同小異的,就只是收款人會有不同而矣,也還是可以參考以下的教學。
2023 年 8 月更新:Wise 最近有更新了它在香港的收款銀行,它不再用 Citibank 去收款,而是改為用 JP Morgan Chase HK(摩根大通銀行)去收款!在本地用 FPS 轉賬時就記得要轉到對的戶口啦!
什麼是 Wise?
Wise(前稱 TransferWise)由兩個在倫敦居住的愛莎尼亞人(Estonia)創立。
在創辦 Wise 之前,創辦人之一 Taavet 是以歐羅(EUR)出糧的,但他定期需要一些英磅(GBP)來支付他在英國的開銷啊;另一個創辦人 Kristo 是以英磅出糧的,但他則定期需要一些歐羅來支付他在愛莎尼亞的房貸。
與其各自透過銀行將手上的貨幣轉換成另一款貨幣,給銀行賺一筆匯率差價與手續費,他們決定合作。
Taavet 用歐羅出糧後,就直接將約定的金額存入 Kristo 在愛莎尼亞的歐羅戶口;而 Kristo 用英磅出糧後,將等值金額存入 Taavet 的英磅戶口。而對於我們來說,Wise 會成為我們的那個 Taavet/Kristo,幫我們省卻跨境匯款的手續費與價差。
至於這間公司的背景? Wise 在官網提到它在過去 8 年已經服務了 4,000,000+ 客戶,每月處理的款項為 40 億美金,而且它也有在 LSE 倫敦證券交易所上市;更詳細的背景介紹可見 Wikipedia。
ps. 如果有問題/想跟大家分享你相關的經歷,歡迎在文章底部留言!
Wise 匯款教學
使用 Wise 進行匯款的流程如下:
- 前往 Wise 的網站查詢匯款的手續費
- 填妥收款人的賬戶資料
- 將資金轉賬至 Wise 在本地的戶口
- 等待外幣存入指定的外地戶口
查詢 Wise 手續費

在匯款時,Wise 並不是不收手續費的!就只是它的手續費通常會比銀行的收費便宜,所以在匯款前我們可以先行了解自己常用銀行的收費標準,而 Wise 也有在收費的頁面幫我們簡單比較主要銀行的收費供參考用。
比較過後,用 Wise 去匯錢的話,匯約 HK$1,000 就可以獲得 GBP100,當中已經包含了約 HK$11 的手續費。但經恒生/東亞等傳統的銀行匯錢的話,匯 HK$1,000 就只能實收 GBP70,因為傳統銀行普遍都有收很貴的手續費。
填入收款人資料
跟在銀行匯款時一樣,我們同樣要知道收款人的名稱、IBAN/SWIFT 代碼這些資料。以這次匯錢去英國為例,Wise 就會問我拿收款人的全名、銀行戶口的 Sort Code 和戶口號碼。
(圖片可以點擊放大,內有相關步驟的詳細說明。)
付款時,Wise 有讓我們選擇用銀行轉賬、還是用扣賬卡/信用卡/Apple Pay 去付款,我當然是選手續費最便宜的銀行轉賬。而選完銀行轉賬後,系統就會顯示:
- 收款人名稱
- 參考備註(很重要)
- 轉賬金額
- 收款銀行名稱
- 銀行戶口號碼
這裡有兩點要留意!
第一,收款人的資料時不時會變,一切以 Wise 系統所顯示的資料作準,你不要傻傻地跟著我的螢幕截圖就匯錢給 Wise 啊!在過去的兩三年間,Wise 的收款銀行就變過幾次,由 Citibank 花旗銀行換成 DBS 星展銀行、再由 DBS 換成現在的 JP Morgan Chase Bank 摩根大通銀行。
第二,系統會顯示一組類似 P1234567 的參考備註,而這組數字是每個人都不同的!我們轉賬時一定一定一定要輸入這組數字,不然 Wise 的系統就未必能辨認出相關轉賬是來自我們!
btw. 如果你覺得這篇教學對你有幫助的話,我想邀請你免費訂閱電子報,好讓我們可以定期寄送更多類似教學給你!
本地銀行 FPS 轉數快轉賬
這個部份每間銀行的操作方式都不一樣,以下會示範的是以 HSBC 進行本地轉賬時的操作。如果你是用其他銀行,你也可以使用「xx銀行 FPS 付款」這幾組關鍵字,Google 出相關的教學。而我這次會實測使用 ZA Bank 轉錢給 Wise 在香港的銀行賬戶。
在搬字過紙的過程裡,我們需要將 Wise 提供的銀行資料填入 ZA Bank 的介面裡,當中最最最重要的是在備註欄填入由 Wise 提供的識別碼。
至於為什麼要用 FPS 轉數快?因為透過轉數快在香港的銀行間轉賬是免手續費的(有限額)!那當然要用啦!所以 Wise 要收 HK$1,009.76 的話,我就只需只轉賬 HK$1,009.76 給它就可以了。
在這次的實測裡,Wise 的匯款有即時到賬,我那頭在 ZA Bank 轉完港幣賬給它、它就秒速將英鎊存入我 Monzo 的戶口。
不過我也要落個註腳,並不是每次的轉賬都能秒速到賬,之前做大額匯款、或者在週末期間匯款的話可能就要耐心等待一下下(不過 Wise 系統所顯示的預計到賬時間甚為準確,所以我們匯款前就應該已經做好充足的心理準備了!)
總結
日期 | 時間 | 事項 |
---|---|---|
17 AUG 2023 | 4:03 PM | 設立 Wise 匯款交易 |
17 AUG 2023 | 4:10 PM | 轉賬到 Wise 的香港賬戶 |
17 AUG 2023 | 4:10 PM | Wise 表示收妥款項 |
17 AUG 2023 | 4:10 PM | Wise 正在處理匯款 |
17 AUG 2023 | 4:10 PM | Monzo 顯示款項已入賬 |
17 AUG 2023 | 4:10 PM | Wise 表示已完成匯款 |
將所有流程總結,我們就可以得出以上的 Timeline。
需要留意一點,這篇教學著重的是如何使用 Wise 來匯款,而這個功能是用香港地址去開戶就能用到。如果你是為了一個離岸戶口才去開 Wise 賬戶的話,你需要的是《實測 | 英國版 Wise Borderless 賬戶 + Wise Debit 卡申請教學》這篇教學。
其他相關
更多離岸戶口
- 【離岸戶口】開戶時 5 大注意事項 + 比較 3 類離岸戶口的申請資格及方法
- 【實測】英國版 Wise Borderless 賬戶 + Wise Debit 卡申請教學
- 【實測】美國 Firstrade 第一證券開戶教學
- 【實測】HSBC Expat 離岸銀行戶口 | GBP50,000 存款就有 HSBC Premier 賬戶
開戶常用工具
- 【0.8 折】HK$117 買 2 年份 NordVPN 教學 | 平均每月只需 HK$5!
- 【UK】免費領取 giffgaff SIM 卡!養個英國電話號碼每年不用 10 英鎊!
- 【實測】£1 月費即買即用的英國電話卡 | LycaMobile eSIM 購買 + 安裝教學
- 【英國】用 UK Postbox 將信件轉寄香港不用 HK$40
低成本匯款方法
- 【花旗銀行】Citi Plus 可免手續費匯款到外國!
- 【實測】香港版 Wise 匯款/跨國轉賬教學 | 前稱 TransferWise
- 【海外轉賬】2 種網上匯款方法的手續費、時間、流程比較
- 【海外轉賬】什麼是 SWIFT / IBAN / FedWire / Sort Code?
附錄
常見問題
可以,我們可以憑香港特區護照、香港電話和香港地址去申請 Wise 賬戶,開戶後就可以使用匯款/收款服務。但香港賬戶並未能使用 Wise Borderless 賬戶,即不能把錢留在 Wise 這個平台上。
不能,香港賬戶並沒有 Wise Borderless 功能,也就是不能將錢存在 Wise 這個平台裡。但是香港的賬戶依然能夠幫我們進行匯款、收款的服務。
香港版的賬戶並不能申請 Wise Debit Mastercard,但是英國版的賬戶則可以申請,詳見內文教學。
Wise 有在 2021 年於倫敦證券交易所(LSE)上市,所以它是一間具規模的上市公司。於個人使用經驗而言,我在過去 2 年間用了超過 30+ 次 Wise 的匯款服務,當中並未有遇到什麼大問題,每次都有依時收款。如果你有疑慮的話,也可以先試匯一筆細金額的款項,測試無誤後才繼續使用。
另外,Wise 也受香港海關(CCE)監管,它有以 WISE PAYMENTS LIMITED 的名義獲發牌照為貨幣服務營辦商(MSO)。
根據 Wise 官網的資料,Wise 有提供匯款至中國大陸的服務。但要留意,我們就只可以匯到在中國大陸的個人賬戶,而未能匯款至在中國大陸的企業賬戶。
根據 Wise 官網的資料,它目前未有支援新台幣的匯款,但你仍然可以經 Wise 匯外幣到台灣的銀行戶口。
可以。
原來英國先可以申請這張Debit card ,噢
匯款就香港 account 都可以做,申請 debit card 就要轉用英國地址先得啦~
你好,想請問你wise 係香港嘅銀行名稱、賬戶號碼、收款人資料是什麼,找了很久都找不到
Wise 今年又轉咗收款銀行,由 Citibank 轉咗做 JP Morgan Chase HK~ 當你開條新嘅 transaction 去 send HKD 就會見到相關嘅戶口 no.~
我用香港電話號碼註冊個馬來西亞的,張卡係visa,唔係master
係啊~ 上年年頭就已經好似全線轉咗 Visa~
我通過wise由香港匯左貨款給菲律賓供應商已經超過一星期,wise 提供的電郵說貨款已經匯入供應商帳號的銀行,但供應商一直說收不到貨款。我想向wise要求菲律賓方的入帳單據和供應商對質,但是找不到任何wise客務服務。貨款如泥牛入海,無從交代。
你 login 電腦版嘅 transferwise 先,然後:
1. click 果條卡住咗嘅 transaction
2. click “where is my money?”
3. click “I still need help”
然後你就可以搵到 contact CS 嘅方法啦~
Wise轉數快資料?
你係 Wise 個網/App 度開一條新嘅匯款,個流程入面佢會同你講佢香港嘅銀行戶口係咩~ 咁樣㩒出嚟嘅 information 最準,會準過我 copy&paste 咁答你~
只找到銀行戶口資料 找不到轉數快識別碼啊
轉數快係一個途徑嚟~ 你係你銀行戶口填翻 wise 係香港嘅銀行名稱、賬戶號碼、收款人資料之後,筆港幣轉賬會係行轉數快過去 wise 嘅銀行戶口~
而我估你真正想用嘅其實係以 FPS ID 去轉筆錢,但我印象中 Wise 冇開放 Lee 個功能,所以我哋淨係可以填佢個銀行戶口號碼去轉賬~
你好,想問下用WIse香港匯錢去美國的朋友(他美國的戶口)
我應該選 local bank 還是 swift?
local 好似係for 美國銀行用?
如果香港銀行匯去美國就要用swift?
但用swift佢話要收$2.9 more, 同埋other banks involved may also charged fee,
所以會額外再有手續費嗎?
我選swift 彈出的訊息是咁的:
To send usd outside the us, we need to use swift. this meansyour transfer will cost $2.90 more and it may take 2-5 days longer. other banks involved may also charge fee.
希望你可以幫助解答下,
因為我一直在網上看到的教學例子都是港幣匯錢成英鎊到英國⋯⋯
我嘅理解係如果朋友嘅美金戶口係係美國嘅話,咁行翻 Local Bank 就得~
而成個 flow 就會係我哋 Send HKD 去 Wise 嘅香港嘅銀行戶口,然後 Wise 由佢係美國嘅美金戶口 Send USD 去朋友嘅美金戶口~ 如果朋友嘅美金戶口其實唔係美國嘅,咁由 Wise 去朋友嘅戶口 Lee 程就要行 SWIFT;而朋友個戶口係美國嘅話,咁就行翻 Local Bank (ACH)就可以了~ 詳情可以 Refer 翻 Wise 官網嘅教學~
https://wise.com/hk/send-money/send-money-to-the-usa
謝謝你用心的解答說明。
我試下用local bank過錢先,thanks ar
👍🏻
轉了錢去WISE, 就暫停, 要我給身份證?!
為什麼不在注册時要?
政府呼籲身份證不可隨便給人, 真想取消, 會俾返錢我吧?
做身份驗證係反洗黑錢(AML)嘅其中一環,大部份涉及匯款嘅金融機構都需要做 Lee 一步~
如果想取消交易嘅,可以睇翻官方嘅 lee 篇教學再聯絡翻 Wise 嘅 CS 去處理~
https://wise.com/help/articles/2971625/i-want-to-cancel-a-transfer-i-havent-paid-for
你好、請問:( 2021年10月18日更新:Wise 最近有更新了它在香港的收款銀行,它不再用星展銀行去收款,而是改為用 Citibank 去收款!在本地用 FPS 轉賬時就記得要轉到對的戶口啦!)
幫幫忙,咁係Citibank 新增收款人,有一欄要填分行號碼,係填幾多?唔該
根據 Citibank 自己嘅 documentation,以 Citibank NA 收款果陣個分行編號可以填 790~
//無論係港幣定外幣,跟住以下簡單步驟就可以將您喺其他本地銀行嘅錢直接轉入您嘅 Citi 戶口
1 準備好您嘅Citi戶口資料
銀行編號: 250
分行編號: 390 ( 假如戶口於花旗銀行 Citibank N.A 開立,分行編碼應為 790)//
https://www.citibank.com.hk/chinese/personal-banking/payment-transfer/receive-funds-from-other-local-banks/
唔好意思啊主編,可能你誤解咗,我本身係citibank有戶口,想入錢去wise銀行戶口citibank N.A (006),而wins嘅帳戶號碼係391-913153-28…我新增收款人嘅時候,需要填分行號碼,我唔知係幾多,請指教。
okay,我有啲明你遇到嘅問題啦 lol
我啱啱試咗係 Citibank APP 度新增收款人,試咗係本地花旗銀行戶口/本地非花旗戶口都 Add 唔到 Wise 個戶口,無論加唔加 branch code 都話我個 account no 有錯~
至於點解會係咁呢⋯ 我都唔知 lol 唯有用第二個銀行去匯 lee 筆錢入 Wise 係花旗嘅戶口啦~
收款人類別:( 非本地花旗銀行戶口 )….裡面有嘅,唔該
👍🏻
林編,找到原因,391-913153-28,原來係要分開,分行編號391…帳戶號碼913153-28..麻煩到你真係唔好意思..多謝你嘅解答啊。
👍🏻 多謝你同大家分享你嘅經驗!
你好,請問經wise滙日元到日本銀行户口,收方銀行會否收手續費?謝謝
沒有實測過,所以不肯定答案~ 而 Wise 的官網的說法如下:
//匯款到日本手續費?
要匯出 HKD 到日本,你只需支付一筆固定的小額手續費12.99HKD + 兌換金額的0.51%(你可以預覽收費總額)
部份付款方法可能會有額外手續費,但通常都只是極少的
沒有隱藏收費或其他高額費用,因此比其他匯款公司更為便宜//
https://wise.com/zh-hk/send-money/send-money-to-japan
你好 想問下經wise匯款去海外銀行
匯款人會係用番我個名定係變左wise?
會變咗 Wise~
所以如果你一定要個匯款人個名 show 翻自己個名嘅話,就要用翻傳統嘅銀行匯款~ 而 Citi Plus 戶口 most probably 可以免費做到 lee 一點~
我之前開咗個balance ac,係香港銀行轉左啲錢入去美金戶口,但wise話我地址有問題最後close咗我個balance ac,搞到依家啲美金kick左入面,想問知唔知點將USD轉返HKD,同入返落香港銀行戶口?
Thanks
lee 個 case 要搵 CS 睇睇可以點搞~
https://wise.com/help/contact
在德國的朋友,每個月都會轉二千歐羅到我香港戶口。我哋嘗試用Wise, 但wise答話我的香港戶口沒有IBAN”
號碼不能轉歐羅過來。有冇試過,可以點做?
我而家用paypal,但收費貴,仲要hold·住錢21日才過數。
所以佢係手持歐羅,打算用 wise 轉歐羅入落你香港嘅銀行戶口? 如果係咁嘅話,唔得都好正常 😂
如果要 make it work,你收款果陣要用歐羅以外的幣種去收,而係香港生活嘅我地 most probably 會選擇港幣~ 即係友人照匯歐羅俾 Wise,Wise 會直接以港幣存入我地戶口~
Wise係話我無IBAN number, 已經拒絕做匯款,不是收歐羅或港元的問題。
請問由德國用wise轉錢到香港,如果冇IBAN number, 可以點填銀行資料?
https://www.flyasia.co/2020/05/20/transferwise-eur-to-hkd/
(Comment 似乎 show 唔到圖庫,所以要 Click Link 先 show 到圖,圖入面再有詳細 Description)
我啱啱有㩒過一次個 APP,個流程係匯歐羅、變做港紙匯香港,應該就可以模擬到你個情景~ (我個 transferwise acc 係英國 acc 而唔係德國嚟,但應該唔影響測試結果)
而匯錢果陣佢都只係問收款人個香港銀行戶口號碼、或者係 FPS ID,個 Flow 度亦都見唔到佢有問我地 IBAN 號碼 wor~
想問如果在英國入英磅去wise個戶口要收取手續費嗎?
可以由英國銀行戶口轉英鎊入 Wise 度用,而如果你係用 bank transfer 去做嘅話,Wise 果邊係冇手續費要收,但係由銀行匯出去果下可能就會有銀行自己嘅手續費要收~
謝謝答覆,但我意思係指櫃圓機入現金英磅去wise,要否手續費?因想帶部份現金去英國
佢冇用 ATM 入錢嘅功能 wor~
//Can I pay with cash, or by cheque?
No, please don’t ever send us cash or cheques, we can’t accept or process them.
We also can’t take payment over the phone.//
https://wise.com/help/articles/2452287/can-i-pay-with-cash-or-by-cheque
已申請了Wise賬戶,想從本人在香港中銀港幣賬戶,匯錢到本人在泰國的盤谷銀行的泰幣賬戶,請問有匯款上限嗎? 本人將為泰國的兒子支付學費和置業啊! 謝謝
有上限,官網說單筆匯款上限是 2mil THB
//How much can I send?
You can send up to 2 million THB per transfer.//
我想由 crypto.com收回歐元到香港戶口可以嗎?
前題係我地要匯過 1 次 EUR 入去 Crypto .com 先,咁我地先有得諗匯唔匯翻錢黎香港~
https://help.crypto.com/en/articles/3429754-fiat-wallet-eur-withdrawal-via-sepa
而根據官方嘅教學,雖然佢地唔會收 charge,但中間行就可能會收手續費~
如何滙去大陸
都係跟翻上面 d step 咁去匯~
另外 transferwise 自己都有出左篇文詳細咁講點匯錢去大陸,有需要可以參考下~
https://transferwise.com/zh-hk/blog/renminbi-remittance-restriction
你好呀,
我嘗試匯款畀日本朋友, 但佢就X咗我呢個item “we can’t accept international bank details for a swift transfer”, 當中發生咗咩問題…… 你教嘅事前準備都已經做好晒 ><
lee 個問題係出現係邊個位?填收款人 bank acc 果陣?
我都有呢個問題,所有野入好哂,等佢過數,第2日就出呢句,朋友本身用Japan Post Bank,佢個system係有得揀的,而家換三井都係pending中。
咁搵搵 TransferWise CS 睇睇可以點拆啦唯有~
係 APP 度㩒翻筆相關嘅 transaction,之後右上角有個 ? 可以㩒,㩒完拉到底就可以留 message 搵到 CS~
我想香港寄錢去大陸比親人 點解寄左之後話寄唔到
係咪因為佢係香港人無大陸身份證?
有無解決方法?
你睇下 Lee 篇文幫唔幫到手~
https://transferwise.com/zh-hk/blog/renminbi-remittance-restriction
請問有沒有網上公司戶口銀行可以開?
ummm… 香港既話你試下 search PAOBank~ 聽聞佢可以網上開公司戶口,但我冇實測過~
這個網站可靠嗎?因為我要轉錢去英國其他人的户口
我自己前後用左 10 次 TransferWise 黎匯錢,so far 未遇過咩問題。如果你有疑慮既話,可以匯小小試下先~
想問下如果本身已經喺香港銀行換咗澳幣,係咪唔可以就咁用transferwise轉去澳洲戶口?要換返做港紙先?
因為我用transferwise嘅時候,佢冇得俾我用澳幣換澳幣
正確,要用澳紙以外既貨幣先可以經 transferwsie swap 到 d 澳紙入去澳洲 acc~
請問知唔知信用卡簽可唔可以儲分?
冇試過,如果你想試既就⋯ 等你試完 report 翻大家 :p
Just tried today but can’t transfer USD to a US bank via SWIFT code, anyone has the same issue?
我冇實測過 lee 個 case~ 或者問問 transferwise CS 睇下係咩原因?
想問下如果想用港幣轉做日元,係咪一定要係日本有銀行戶口先得?因為我除咗開戶過到少少日元落TW戶口(恒生匯CHF落TW, TW再換番日元俾我)外,而家好似再加唔到日元落去
有 D 唔明,你係兩個戶口都係香港既戶口黎?定係係一個係香港、另一個係日本?
前者經翻恆生當買外匯咁買賣就得,唔洗經 TransferWise 做啦~後者我就咁睇 FAQ 就做到~
https://transferwise.com/help/14/currencies/2932156/jpy-transfers
我係前者呀, 香港saving + 香港外幣戶口, 咁即係話如果冇日本本地銀行戶口, 唔可以利用transferwise換錢? 其實我本身都係恆生買賣外匯, 提出黎當地用既, 不過前排出國見都幾多國家開始唔收cash, 想睇下可唔可以用transferwise直接唱錢落去個virtual account度, 去到當地就用佢張debit card消費…..係呼我concept錯左呢?
所以你係用 transferwise borderless account? 係既話我就唔 sure 個實際操作係點啦,因為我係用香港 Passport setup 個 TransferWise 賬號,而香港係未有 TransferWise Borderless 功能的~
多謝你既回覆, 想問下小編係咪而家暫時冇一張卡能夠做到直接兌外幣落去Virtual Bank Account, 再當debit card contactless 消費? (如果只得HK戶口) Thanks. 因為見英國好方便, 拎張Monzo就可以做日常消費, 唔夠就用App過$落張卡度~
以我所知係香港 market 暫時未見到 monzo Lee 類 product~
睇你有冇接觸 cryptocurrency,有既話就可以用 MCO 膠卡、Wirex lee 類 product,可以做到入外幣落去,再用張 debit card 消費,而過程中係可以唔買任何 cryptocurrency 既(但 rebate 會係以 cryptocurrency 回俾你)
感謝小編詳細解釋, 等我都研究下MCO 同Wirex先~
轉賬到 TransferWise 的香港賬戶, 咁我洗唔洗CAP SCREEN email to TransferWise?
外幣轉港幣?照道理應該係填翻晒 d 資料、Submit 完就 okay,唔洗 cap-screen 果 d lol