簡單來說，除了是由香港直航到芬蘭赫爾辛基（HEL）的航班外是可用 54,000 Asia Miles 兌換一套來回機票外，前往其它北歐五國（丹麥、瑞典、芬蘭、挪威、冰島）的城市都需要轉機並用上 80,000 Asia Miles。
順帶一提，如果你正打算去英國探親、又或是去北歐玩的話，你可以現在就在香港免費領取一張 giffgaff 電話卡！飛抵英國後就立即有數據可以用，£10 除了有 10GB 英國數據可用外，在歐洲也有 5GB 的數據可使用！
亞洲萬里通兌換表格 | 合作伙伴
截至 2023年10月，國泰航空並沒有營運香港直飛丹麥、瑞典、芬蘭、挪威或冰島的航班，所以我們一定要轉機前往當地。一涉及轉機的話，我們就需要用到 Asia Miles 合作伙伴的兌換表格（而不是國泰自己的兌換表格。）
| 飛行距離 | mi | 例子 | 經濟艙 | 特選經濟艙 | 商務 | 頭等艙 |
|---|---|---|---|---|---|
| 1-750 | 首爾-東京 倫敦-巴黎 | 10,000 | 14,000 | 20,000 | 不適用 |
| 751-2,750 | 類別 1 | 香港-吉隆坡 倫敦-伊斯坦堡 | 15,000 | 25,000 | 33,000 | 53,000 |
| 751-2,750 | 類別 2 | 香港-東京 吉隆坡-孟買 | 15,000 | 28,000 | 37,000 | 60,000 |
| 2,751-5,000 | 香港-赫爾辛基 東京-曼谷 | 27,000 | 43,000 | 63,000 | 100,000 |
| 5,001-7,500 | 香港-倫敦 香港-楠迪 | 40,000 | 55,000 | 89,000 | 135,000 |
| 7,501+ | 香港-紐約 香港-聖保羅 | 47,000 | 80,000 | 115,000 | 170,000 |
以上是換伙伴航空公司的航班時的兌換表格。表格中所標明的是換單程時所需的飛行里數，而如果要換來回的話，將表內的數字乘以 2 就可以了。簡單整理兌換規則：
- 可以用來換 1 間合作伙伴的航班，當中部份航段也可以混合國泰的航班
- 按單程兌換，而換來回機票所需的飛行里數為單程的 2 倍
- 按飛行距離收費，飛 751-2,750mi 需要 15,000 Asia Miles，如此類推
- 每個單程兌換可以設 1 個轉機，但不能設有停留
- 每個來回兌換可以設最多 1 個停留、1 個開口、2 個轉機
- 來回兌換可在起點設置 Open-Jaw，唯起點與終點需在同一國家內
- 整張機票由出票日起 360 日內要完成所有飛行
這並不是一張由官方公佈的表格，而是我自己透過 Asia Miles 提供的計數機而歸納出的表格。所以啊，一切還是以計數機提供的數字為準。而詳細教學可以參考《Asia Miles | Partner 夥伴航空公司的兌換表格》這篇教學。
ps. 如果有問題／想跟大家分享你相關的經歷，歡迎在文章底部留言！
直飛北歐 | 27,000 Asia Miles
截至 2023年10月，oneworld 在香港只有一條直航北歐的航線：
- 香港-赫爾辛基 | 芬蘭航空
香港-哥本哈根 | 國泰航空 | 已於 2018 年 10 月停運
以 Asia Miles 兌換 Finnair 的航線而要用到 Partner 的表格，5,000mi 以內的航線單程經濟艙需要 27,000 Asia Miles。
轉機去北歐 | 40,000 Asia Miles
| 航點 | 芬蘭航空 | HEL | 英國航空 | LON | 卡塔爾航空 | DOH |
|---|---|---|---|
| Copenhagen | O | O | O |
| Stockholm | O | O | O |
| Oslo | O | O | O |
| Reykjavik | O | O | X |
以 Asia Miles 兌換機票時，每個單程的兌換最多可以有兩段航班，所以我們也可以選擇經 oneworld 的樞紐轉機前往其它北歐五國的城市。
而我們最常會用到的樞紐會是赫爾辛基（HEL），倫敦（LHR／LGW）和多哈（DOH）；當中需要留意一點，如果是想去冰島，我們就只可以選擇在倫敦／赫爾辛基轉機哦！ 而所有轉機的行程都是需要 40,000 Asia Miles 才可以換到一個單程！
經赫爾辛基轉機
經過赫爾辛基轉機前往北歐最大的好處是機位競爭較細，因為大家普遍沒有認知到 Asia Miles 可以換到芬蘭航空的機票。而且芬蘭航空的航點分佈亦非常廣泛，大半個北歐都有設航點！
但最大的壞處就是每天只有 1-2 班航班由香港出發，時間的彈性比較低。而且受烏俄戰爭所影響，以前用 10 小時就可以由香港飛到芬蘭，但現在繞過俄國領空後要用將近 14 小時才能飛畢整個行程。
⚠️ 這是一則可能價值 HK$5,000 的資訊。
你在過去 24 個月有飛過去歐洲嗎？當時的航班有延誤或取消嗎？籠統地說，只要你在搭過飛機前往或離開 🇬🇧 英國或 🇪🇺 法國、德國、意大利、西班牙等歐盟國家時，然後不幸地遇上航班延誤或取消⋯⋯ 那麼你就有機會可向航空公司提出高達 €600 的索償！按此檢查你是否合資格 >
經倫敦轉機
另一個轉機的方法是經英國倫敦轉機，好處是每日有 3-6 班航班在香港-倫敦間運行，時間較彈性。 壞處是要繞好些路才能到達目的地，但還幸所需里數不變，都是單程 40,000 Asia Miles。
btw. 如果你覺得這篇教學對你有幫助的話，我想邀請你免費訂閱電子報，好讓我們可以定期寄送更多類似教學給你！
經多哈轉機
我們也可以經多哈轉機前往北歐，不過每日由香港飛多哈的航班就只有 2 班，時間不太彈性。
以 2023年10月的情況來說，卡塔爾航空其實鎖起了許多遠期（120 日後）的 Business Class，我們不太有機會用 Asia Miles 換到，所以要搭商務艙就不太需要考慮這條路線了。但如果你只是打算搭經濟艙的話，則仍能考慮這個選項。
另外，卡塔爾航空亦未有營運直航冰島的航班，所以想去冰島的話也不需要考慮它了。
滙豐 EveryMile 信用卡
申請滙豐 EveryMile 信用卡主要是因為每年可憑它免費用 6 次機場貴賓室，而且它還能以低至 HK$2/里的比率儲到 Asia Miles、Avios、Aeroplan 等十多種飛行里數！
現時成功經網上申請滙豐 EveryMile 信用卡除了免首年年費外，新客戶可賺取高達 32,800 里：- 迎新回贈｜由即日至 2024年2月29日成功經網上申請並批核，於發卡後首 60 個曆日內完成 HK$8,000 本地或外幣簽賬後有 $1,000「獎賞錢」，可換 20,000 里（建議全數以外幣簽賬完成，好以順便滿足 Travel Guru 的簽賬要求）；
- 成為 Travel Guru 會員可享額外回贈 | 由即日起至 2023年12月31日成功登記，即可成為 GO級旅人，於登記後首 3 個日曆月內完成 HK$8,000 外幣簽賬後有額外 3% 回贈，即 $240「獎賞錢」並可換 4,800 里（GO 級旅人之額外回贈上限為 $600 「獎賞錢」，簽賬愈多，會員等級愈高）；
- 滙豐 EveryMile 信用卡專享海外簽賬優惠｜由即日起至 2023年12月31日，以滙豐 EveryMile 信用卡作合資格海外簽賬，每階段首 HK$15,000 之合資格海外簽賬均可享額外 1.5% 回贈，連同基本 1% 海外簽賬回贈，合共可享 2.5%，各階段最多可獲合共額外 $225「獎賞錢」。以HK$8,000 海外簽賬金額為例，即合共額外 $200「獎賞錢」，可換 4,000 里；
- 「現金套現」分期計劃回贈 | 由即日起至 2024年2月29日全新信用卡客戶啟動新卡後成功申請「現金套現」分期計劃，獲批金額達 HK$20,000 或以上並選擇 12 個月或以上還款期，可享額外 $200「獎賞錢」，可換 4,000 里。
其他相關
Asia Miles 兌換規則
- 大集合 | Asia Miles 相關教學
- 累積方法 | 可儲 Asia Miles 的信用卡大集合
- 兌換表格 | 2023年10月用 Asia Miles 換國泰有新收費！
- 兌換表格 | 兌換日本航空、英國航空等伙伴航空公司要多少里數？
- 兌換教學 | 查查 Asia Miles 座位供應 + 兌換機票教學
- 混艙兌換 | 37,200 Asia Miles 就換到兩程經濟艙+頭等艙
- 甩尾大法 | 慳 20% 里數搭 Business 去北美
- 3 個值得用 Asia Miles 換 HK Express 機票的原因
- 用 Asia Miles 換機票時，怎樣避開駭人的燃油附加費？
Asia Miles 環球機票
- oneworld 環球機票兌換表 | 用 210,000 Asia Miles 換套 Business Class 機票環遊世界
- 兌換實測 | 我如何在暑假旺季擠出 2 套商務艙機票？
- 兌換實測 | 用 Asia Miles 換袋鼠航線飛歐洲-澳洲的行程規劃
Asia Miles 兌換例子
- 日本 | Asia Miles 換機票去東京／大阪／名古屋／福岡／札幌教學
- 韓國 | Asia Miles 換機票去首爾教學
- 台灣 | Asia Miles 換機票去台北／高雄教學
- 歐洲 | Asia Miles 換機票去倫敦／巴黎／阿姆斯特丹／米蘭／馬德理教學
- 澳紐 | Asia Miles 換機票去悉尼／墨爾本／奧克蘭教學
- 美加 | Asia Miles 換機票去洛杉磯／舊金山／紐約／溫哥華／多倫多教學
- 東南亞 | Asia Miles 換機票去馬來西亞／新加坡／泰國／印度／印尼教學
- 北歐五國 | Asia Miles 換機票去芬蘭／冰島教學
- 非洲 | Asia Miles 換摩洛哥 & 埃及 & 南非機票教學
感謝指導，我換了24年7月中，英航pvg-lhr-kef，自駕6日，芬航kef-hel，乘船至arn自駕5日，arn-hel-pvg，13.5w+4444港幣稅費
thx for sharing 👍🏻
am如何可以换到去南美机票呢。
經美國、澳洲或多哈轉機
你好，打算換年底芬蘭航空飛HEL，我上CX網兌換個度見到想換嘅日期下有寫需要嘅里數（即係代表有機位可以兌換？），但下面又冇任何班次可以選擇。請問咁即係有定冇得換？謝謝。
要見到有班次可以選擇先係有得換～
我想跟你這個去兌換冰島行程, 155,000 Asia Miles全程商務艙, 但如何尋找其他ONEWORLD成員商務艙兌換機位? 以Asia Mile web site去search, 商務艙大部份只有CX, JAL 有也只有跟CX混艙機位, 沒有商務艙直航機位….. 要搵全部ONEWORLD商務艙機位極難?
要一段一段地查詢座位供應，要看到 HKG-HEL、HEL-KEF、KEF-HEL、HEL-HKG 等等的每一程都有直航的座位可供兌換才算是可用的日期～
search不到的反而係皇家約旦同JAL的商務機位 , JAL只有Econ位….點搵CX以外航班兌換位呢?
Royal Jordanian 有機會又 postpone 條香港-曼谷線嘅復飛日期，所以如果要湊數嘅話，可以試下去程搵 HKG-LHR-KEF 飛 BA、回程 KEF-HEL-HKG 飛 AY，咁就湊夠數～
當湊夠數後，HKG-BKK-HKG & HKG-HND-HKG 就可以直接飛 CX 了～
HKG-LHR-KEF 飛 BA 個稅會貴好多呀, 都係想飛AY, 但又好難search到HKG-HND-HKG既JAL Busniess….-_-
東京嘅另一個解法係 HKG-HND/NRT 搭 CX，然後搭 JAL 嘅 HND-TSA 或者 NRT-TPE 再接一段國泰嘅 TPE-HKG 翻嚟，咁就可以 fulfill 到搭日航嘅要求～
但留意翻 lee 個 case 係台灣就只可以轉機，如果唔係後續會唔夠 stopover 用～
如果真如係好想玩埋台灣嘅，咁就唔好駁一後 TPE-HKG 係尾等佢變成 open-jaw，然後自己買張 TPE-HKG 單程機票～
吾該晒你比既意見^^, 如果成功兌換到之後再話你知最後係咩行程~
好～!
好慘呀, 仲未換到ONEWORLD佢就改制啦>.< 而家個定律係比多少少AM就可以有J Class享受, 甘請問10月1日之後, 假設真係要至少210000AM至可以換到, 仲係米抵換? 好似費好多
可以宜家換咗佢嘅就當然係宜家換最好～
但如果未夠數既，其實都仲係抵嘅，因為到時標準賞啲 business class 都會加晒價，維翻用 oneworld 飛換都仲係慳到里數～
最煩係今年年尾至年頭既Trip之前一早已換左Econ, 趕係10月1日前換Oneworld其實又換吾到出年10月後既行程….去北歐係為左冬天去睇極光..無啦無啦…趕都無咩意思了
個時唔間啱睇北極光嘅，alternatives 係睇下去唔去到南半球睇南極光 lor 🤣 去 Tasmania 睇南極光其實聽落都幾 fun 啊～
你好, 我想安排HKG-LHR-KEF-HKG, Asia Miles 須要65,000分換經濟機票, 請問有沒有其他更好方法換取? 待教學. 謝謝.
可以睇睇 【環球機票】oneworld 寰宇一家獎勵換算表可用 155,000 Asia Miles 換 3 套 Business 機票！ lee 篇教學，度下要唔要一次過多 2 個亞洲嘅 weekend trip~
你好, 我有參考, 但我沒有這麼多里數. 只有130-140萬分, 但須要換2個人機票, 所以想請教一下, 有沒有更好方法換領. 謝謝.
我諗你係指 130,000-140,000 分？ 如果係嘅話，咁就冇辦法啦～要多少少分先夠玩 onworld 飛～
明白了, 謝謝!
你好，想請問2023年十月計劃去冰島，現時asia miles兌換機票是否已不能幾個月後再飛日本/曼谷
宜家冇得好似以前咁 free one-way，even 換張單程機程都有 1 個免費嘅 stopover，冇得曼谷飛翻香港之後隔幾個月再飛多程香港去台北～ 而 lee 堆規則係 refer to 標準賞嘅兌換表﹏
但係呢，如果你係用 oneworld 表格去換機票嘅話，可就仍然可以一張飛入面有 5 個 stopover & 2 個 transfer & 2 個 Openjaw，可以砌到去完冰島、隔幾個星期再去曼谷、隔多幾個星期再去東京咁～
//可以做到 stopover，拆開做兩個單程換就得～
1. hkg-lhr, stopover, lhr-kef
2. kef-hel, stopover, hel-hkg
但就冇得回程再 free one-way 了//
見到你另一個comment回覆, 唔好意思我睇埋你本新書都係有幾個問題希望你可以解答:
1) 在國泰網站即使Finnair航班都未必有顯示, 是否在google flight search找到相應的one world航班就可以打電話查詢兌換?
2) 我暫時2023年10月想坐以下航班:
(i)Fri, Oct 611:20 PM – 6:50 AM+1//HKG–LHR//British Airways//5994MI
(ii)Sun, Oct 87:20 AM – 9:30 AM//LHR–KEF//British Airways//1179MI
(iii)Fri, Oct 209:25 AM – 3:50 PM//KEF–HEL//Finnair//1524MI
(iv)Sun, Oct 2212:35 AM – 5:45 PM//HEL–HKG//Finnair//4859MI
想問咁樣係咪當分開兩個單程用partner form換 under 7500MI = 30,000 Asia Miles單程?
同埋淡季會唔會Avios換會再平啲?(registered account but no confirmation email yet..)
3) 分開兩個單程買稅項係咪會貴過來回?
//可以做到 stopover，拆開做兩個單程換就得～
1. hkg-lhr, stopover, lhr-kef
2. kef-hel, stopover, hel-hkg
但就冇得回程再 free one-way 了//
^lee 個係 2020 年前嘅玩法嚟，宜家 2023 年已經唔可以咁換啦～ 宜家轉機嘅時間唔可以長過 24 小時~
—
見到你另一個comment回覆, 唔好意思我睇埋你本新書都係有幾個問題希望你可以解答:
1) 在國泰網站即使Finnair航班都未必有顯示, 是否在google flight search找到相應的one world航班就可以打電話查詢兌換?
^唔係～ 如果你用兌換機票嘅功能去搵機票、然後果日冇顯示出 finnair 嘅機位嘅話，咁即係代表果日未放位／已經俾人換晒～ 我地就只可以隔日上去 check 下、睇下會唔會有位放翻出嚟～
而 google flight 見到嘅位係拎嚟賣嘅位，同用里數換到嘅位係兩個 pool 嚟～
—
2) 我暫時2023年10月想坐以下航班:
(i)Fri, Oct 6 11:20 PM – 6:50 AM+1//HKG–LHR//British Airways//5994MI
(ii)Sun, Oct 8 7:20 AM – 9:30 AM//LHR–KEF//British Airways//1179MI
(iii)Fri, Oct 20 9:25 AM – 3:50 PM//KEF–HEL//Finnair//1524MI
(iv)Sun, Oct 22 12:35 AM – 5:45 PM//HEL–HKG//Finnair//4859MI
想問咁樣係咪當分開兩個單程用partner form換 under 7500MI = 30,000 Asia Miles單程?
^你去程同回程嘅轉機時間都超過 24 小時，所以如果要咁換嘅就要斬開 4 程機去換～
以 Partner 表格計，HKG-LHR 35k & LHR-KEF 15k & KEF-HEL 15k & HEL-HKG 27k~ 斬開四程 total 92k 先換到～
所以如果可以唔係 London / Helsinki 超過 24 小時嘅話，就盡量唔好停～ 咁樣先可以用 total 70k 先換到~
如果你實在好想咁多個地方都玩晒嘅話，咁你都可以試下用 oneworld 表格換，total 90k 就換到 4 程～
—
同埋淡季會唔會Avios換會再平啲?(registered account but no confirmation email yet..)
^如果你斬 4 個單程咁換嘅話，用 Avios 換 LHR-KEF 同 KEF-HEL 會抵過 Asia Miles
但如果你最後決定唔係 LHR & HEL 留超過 24 小時嘅話，咁用 Asia Miles 直接換兩個單程會抵啲
3) 分開兩個單程買稅項係咪會貴過來回?
^要自己係 system 組合下，冇一個標準答案～
如果去冰島 芬蘭 應該點兌換係最好？
想換business, 係咪用唔到假單程??
唔該哂!!
HKG – HEL
HEL – reykjavik
reykjavik – HKG
想換business, 係咪用唔到假單程??
^換唔換 business 同做唔做到假單程係兩件獨立事件黎。你可以換 business，但因為轉左機所以玩唔到假單程。
Hello – 我想問下如果去冰島 芬蘭 倫敦 應該點兌換係最好？
行程想呢個路線:
HK – UK
UK – reykjavik
reykjavik – Finland
Finland – HK
用唔用到 stopover/ free one-way?
Thank you!!
可以做到 stopover，拆開做兩個單程換就得～
1. hkg-lhr, stopover, lhr-kef
2. kef-hel, stopover, hel-hkg
但就冇得回程再 free one-way 了～
你好, 想換 香港-赫爾辛基-廣州假單程. 打去AM問, 他們說沒有赫爾辛基-廣州的航線, 是否我誤解了? 謝謝
因為 CAN-HEL 是季節性航線～ 所以可能你找的那段日子沒有航班～
你好,
我想和太太去芬蘭睇極光,
HKG-HEL-CAN (商務艙) 要 90,000 AM*2 = 180,000 AM (我宜家有大約190,000 AM, 已經夠換)
睇完貴BLOG的假單程, mix class文章後都未係太明白.
想請教一下仲有無較好既方法善用里數?
例如
會唔會有其他建議線路? (配搭Avios使用, 我另有12X,XXX Avios)
或儲多少少里數可駁多一程變多一個Trip咁?
Thanks.
HKG-HEL-CAN 已經係假單程黎；而 Mix Cabin 就係一程搭 Econ 一程搭 Business，以 HKG-HEL in Econ & HEL-CAN in Business 為例，就係 ~68,300 Asia Miles 就可以換到一張飛；同埋咁樣換已經好抵啦！再冇咩可以做啦～