如果你正打算去英國留學、工作假期、持 BNO Visa 移民英國、去歐盟成員國旅行，那麼你可以事先申請好一張英國的上網 SIM 卡，到埗後就立即可以上到網、有個電話號碼去使用 Uber、Deliveroo 等服務啦！
以下會說說如何足不出戶、且免費地在香港領取張英國 SIM 卡，並以每年 £10（約 HK$100）的成本養一個英國電話號碼！
自 2025 年 10 月底起，giffgaff 不再提供直寄香港的服務；但仍可免費直寄英國地址。香港讀者若想領取 giffgaff 電話卡，我們 FlyAsia 手上有少量 giffgaff 現貨可在香港本地購買和寄送；又或者你可使用 UKPostbox 等轉運服務免費領取 giffgaff 後再自行將電話卡由英國轉寄香港。
什麼是 giff gaff?
giffgaff 是英國的虛擬電訊商，在當地使用 O2 的網絡。而如果你有聽過自由鳥的話，giffgaff 就有點像是英國版的自由鳥。至於為什麼要透過 giffgaff 領取一個英國電話號碼？原因有三：
- 懶：不想特地去一趟鴨寮街買電話卡
免郵費：不需要郵費、手續費就可以獲得一張英國的電話卡- 容易操作：可經網上平台以信用卡幫 SIM 卡增值
因為 giffgaff 肯寄至英國國外，所以 giffgaff 也是最適合新手的道具，如果要登入「英國」這個遊戲的話，giffgaff 就是在新手村會出現的道具。
2025 年 10 月更新：我們需要使用 UKPostbox 等轉運服務才能將 giffgaff 電話卡寄到香港，而使用這項服務會需要繳付約 £4-5 的郵費。雖然不貴，但就不再像以前一樣可以完全免費。
giffgaff 收費模式
對於電訊服務供應商來說，收費模式主要可以分成三類：
- 儲值：按使用量收費，用完儲值的金額後就要再增值
- 月費：每月交月費並自動購入指定份額的數據、通話時間，通常沒有合約限制
- 上台：每月交月費並自動購入指定份額的數據、通話時間，通常會簽 12-36 個月的合約以換取更優惠的價格
giffgaff 三種收費模式都有提供。在 giffgaff 的世界裡，他們會把月費模式稱之為 Goodybags／Monthly Rolling Plans，適合定居於英國的使用者；儲值模式則稱之為 Pay-as-You-Go（Pay-G），適合用量低、只想在香港養個電話號碼的用戶；至於合約，一簽就要簽 18 個月合約，這並不是我們的著眼點，不贅。
| 於香港使用 giffgaff 的收費項目 | 收費 |
|---|---|
| 上網數據 | 每 MB 數據 £0.2 |
| 撥打電話 | 每分鐘 £1 |
| 接聽電話 | 每分鐘 £1 |
| 傳送 SMS | 每個 £0.3 |
| 接收 SMS | 免費 |
Pay-as-You-Go 的最低增值額為每次 £10，可以信用卡增值。需要留意一點，如果想保持電話卡有效，我們需要在每 6 個月內至少使 giffgaff 的服務一次，可以是用來：
- 打一個電話 或
- 上一上網 或
- 傳送一個 SMS
所以在啟用 giffgaff 的電話號碼後，就記得要在行事曆標記好相關限期，定時定候去用 giffgaff 卡寄個 SMS、或打個電話。
而文首所提到的以不到 £10 養個英國電話號碼就是透過 Pay-G 來達成。因為我們只要增值一次 giffgaff、然後每 6 個月以 30p（即 £0.3）傳送一次 SMS 以保持電話號碼有效的話，理論上每年只需要 £0.6 就可以養到個電話號碼！
giffgaff 迎新優惠
不論你是經 FlyAsia 領取現貨 giffgaff 好、又或者是用使用指定連結前往 giffgaff 官網領取 SIM 卡都好，你激活 giffgaff SIM 卡後就有額外 £5 的儲值額可供使用。至於儲值額有什麼用？它除了可以用來打電話、發送 SMS 外，還可以用於購買月費計劃！就一定會有用得著它的地方啦！
不過雖然在英國本地領取 giffgaff 電話卡是免費的，但我們要以信用卡或 PayPal 增值它後才能夠真正使用。如果你有「免費的最貴」的擔憂的話，我自己覺得是無需過份憂慮，畢竟我們最後會用真金白銀去買 giffgaff 的電訊服務啦！
而可以免郵費就能（在英國本地）領取到電話卡的這件事算是一個市場推廣時常用的手段啦，就像去某網購平台會推出新會員首單免運費的優惠一樣。
giffgaff 使用教學
領取 giffgaff
在 2025 年 10 月底之前領取 giffgaff 電話卡的步驟並不複雜，只需要用 3 分鐘填張表，一張 giffgaff 電話卡就會由英國直送我們在香港的郵寄地址。
但自 2025 年 10 底起，giffgaff 不再提供直寄香港的服務；但 giffgaff 仍有提供免費直寄英國等多個國家或地區的服務。換個說法，如果我們現在想領取一張 giffgaff 電話卡的步驟就會複雜一點點：
- 填妥 giffgaff 的表格並郵寄至 UKPostbox 等有提供轉運服務的地址（這步仍是免費的！）
- 當 UKPostbox 成功收件後，自行安排將電話卡郵寄至香港的地址（這步會產生郵費和手續費！）
可是由英國將電話轉寄至香港仍是廢時失事，如果你不想等太久的話，我們 FlyAsia 手上亦有少量 giffgaff 現貨可供領取，而領取的連結亦在下面。
啟用 giffgaff 卡
我等了約 14 個工作天才收到由英國直寄香港的 giffgaff SIM 卡。收妥後，我們需要前往 giffgaff.com/activate 增值並啟用我們的 giffgaff 卡。
是的，收卡是免費的，但我們要增值它才能夠使用。世界上沒有免費的午餐、而且免費的才最貴，它要我增值才能使用其實很理所當然、也讓我感到安心。
（圖片可點擊放大，內有詳細說明。）
以 Pay-as-You-Go 的計劃計，每次最少增值 £10，可以 Visa / Master 信用卡付款；而增值後就可以立即取得一組隨機的英國電話號碼。
是的，電話號碼只能隨機分配，我們並無法挑選自己喜歡的號碼。
手動為 giffgaff SIM 卡續期
如果你跟我一樣是用 Pay-as-You-Go 的計劃，並想保留 giffgaff 的電話號碼長用的話，那麼我們就要每 180 日用一下 giffgaff 的電話號碼好以產生消費，並從而保留到這個電話號碼。
我自己是選擇用 30p（約 HK$3）來傳送一個 SMS 以完成任務。而當完成傳送 SMS 後，系統會即時通知我們賬戶內最新的餘額，我們也能清晰地知道自己已經完成該次續期的「任務」。
順帶一提，如果你打算移民的話，你大概也會想找個方法低成本地養自己在香港的電話號碼，好讓自己能接收到香港銀行／信用卡／各類戶口所發出的 SMS。我自己是用 LuckySIM 去養香港的電話號碼，它不但能以低至 HK$138 就可以養到 3 年（平均每月只需 HK$3.83），而且在外國收 SMS 也是免費的！有興趣的可以讀讀《實測 | LuckySIM 移民低成本保留香港電話號碼 + 免費在外國收香港 SMS！》這篇教學。
月費計劃
剛才所說的就是在香港以低至一年 HK$100 成本養一個英國電話號碼的方法。但如果你申請 giffgaff 的目的不單純是想養一個電話號碼那麼簡單，而是有去英國長住的打算，那麼你也會想知道 giffgaff 的月費計劃。
giffgaff 的月費計劃並不像我們在香港的上台，並不需要跟 Smartone、3 台、CSL 等電話台簽定為期 12-36 個月的合約，然後提早完約就會產生罰款。giffgaff 的玩法更像是自由鳥，就是不需要簽定一份長期合約，可以按月購買 giffgaff 的電話通訊服務，而這樣按月購買通訊服務的玩法在 giffgaff 的世界裡就是以 Pay as you go 形式付款。
Monthly Rolling 和 Pay as you go 有什麼分別？
| Monthly Rolling （舊稱 Golden Goodybag） | Pay as you go （舊稱 Goodybag） | |
|---|---|---|
| 以信用卡／扣賬卡／PayPal 付款 | O | O |
| 以儲值額付款 | X | O |
| 自動續期 | 會自動續期 | 可設定自動續期，但也可以逐個月手動購買 |
Monthly Rolling 和 Pay as you go 兩者最大的差異在於付款方式。
前者就像訂閱 Netflix 一樣，giffgaff 會定時定候就會從我們提供的付款方式裡扣款，所以我們需要綁定一張信用卡／扣賬卡／PayPal 在戶口裡；但 Pay as you go 則可以選用儲值額去付款，也可以手動逐個月去購買所需的數據。
Pay as you go 收費標準
截至 2025 年 10 月，giffgaff 的 Pay as you go 收費如下：
| 英國本地數據 | GB | 英國本地通話分鐘 | 英國本地 SMS | 收費 |
|---|---|---|---|
| 1 | 無限 | 無限 | £6 |
| 4 | 無限 | 無限 | £8 |
| 15 | 無限 | 無限 | £10 |
| 25 | 無限 | 無限 | £12 |
| 30 | 無限 | 無限 | £15 |
| 80 | 無限 | 無限 | £20 |
120 + 無限* | 無限 | 無限 | £25 |
200 | 無限 | 無限 | £35 |
不同 Pay as you go 計劃之間的差異主要就在於英國本地上網數據的限額，£10 一個月的 Goodybag 有 15GB 的上網數據、無限分鐘的英國本地通話、無限個英國本地 SMS，如此類推，詳細玩法可見 giffgaff 官網。
這裡還隱藏了一個計劃沒有寫出來，那就是它存在什麼都不買的可能性。
如果我們什麼 Pay as you go 的計劃都不買的話，我們就會按通話分鐘、數據上網和 SMS 的數目收費。如果什麼不用、直接把 SIM 卡放在櫃桶的話，那麼自自然然不會產生任何費用。而這也是用低成本養 giffgaff 電話號碼的方法，因為我們只需要每半年傳送一個 SMS、稍稍用一用 giffgaff 就可以保留到這個電話號碼。
Monthly Rolling Plan 收費標準
為了吸引大家購買 Monthly Rolling Plans 和自動續期，giffgaff 有把 Monthly Rolling Plans 的服務內容有設定得更具性價比。
| 英國本地數據 | GB | 英國本地通話分鐘 | 英國本地 SMS | 收費 |
|---|---|---|---|
| 2 | 無限 | 無限 | £6 |
| 5 | 無限 | 無限 | £8 |
| 20 | 無限 | 無限 | £10 |
| 26 | 無限 | 無限 | £12 |
50 | 無限 | 無限 | £15 |
| 100 | 無限 | 無限 | £20 |
200 + 無限* | 無限 | 無限 | £25 |
| 無限 | 無限 | 無限 | £35 |
以交同樣 £10 月費為例，以 Pay as you go 的形式付款的話我們就只能有 15GB 的數據；若我們願意使用 Monthly Rolling Plans 的話，同樣的月費就能夠買到 20GB 的數據！
不過不用太擔心啦，不論你是想用 Pay as you go 計劃或是打算用 Monthly Rolling Plans 都好，你都可以用以下的連結免費領取一張 giffgaff SIM 卡，待 SIM 卡到手後再決定用哪個計劃即可。
18 個月合約收費標準
如果你願意綁 18 個月合約的話，那麼只需要 £8 月費就可以每月有 6GB 的上網數據。但我相信大家都不太愛綁這麼長的合約，故不贅。
| 英國本地數據 | GB | 英國本地通話分鐘 | 英國本地 SMS | 收費 |
|---|---|---|---|
| 6 | 無限 | 無限 | £8 |
| 25 | 無限 | 無限 | £10 |
| 27 | 無限 | 無限 | £12 |
| 40 | 無限 | 無限 | £15 |
| 120 | 無限 | 無限 | £20 |
| 無限 | 無限 | 無限 | £25 |
giffgaff 可在歐盟免漫遊費上網
如果你有仔細閱讀 giffgaff 的使用條款，你會發現它還有一個可在歐盟國家免漫遊費上網的福利，當中每月最多可以免漫遊費地享有高達 5GB 漫遊數據。
不過實際操作時，這項福利對住在香港和住在英國的人來說是有點不一樣。
住在英國
如果你是在英國長住，一年下來總會有幾次去歐洲旅行的機會（就像以前我們還在亞洲時會常常去日本玩一樣。）不要意外，這個時侯 giffgaff 的 Pay as you go / Monthly Rolling Plans 其實也能派上用場！
只要我們在該段時間有在英國本土使用過 giffgaff 卡， 我們在歐盟就可以免漫遊費地使用到最多 5GB 數據，就像在英國用手機上網一樣！
換個說法，如果你是用 £10 買了 15GB 的數據的話，那麼你就能在服務期內於歐盟用 5GB 上網、剩下的 10GB 就可以在英國使用。如果你是用 £25 買了無限數據的話，那麼你就可以在英國有無限數據、且在歐盟能用到 5GB 的數據，如此類推。
住在香港／台灣
換一個思路，如果你不是長住在英國、就只是打算去法國、德國、希臘等歐盟國家旅行的話，你其實也可以事先領取一張 giffgaff SIM 卡，因為它也能在這些地方派上用場。
不過需要留意一點，這個用法不能去太久，最多就只能在歐洲逗留最多 14 日；因為 giffgaff 卡沒有在英國使用過的話，在歐洲用 14 日後就會如常按漫遊的標準收費。
我為什麼愛用 giffgaff?
不經不覺間，我使用 giffgaff 電話卡的時間已將近有 4 年，而擁有一個英國的電話號碼是出奇地便利和有用的事，它有用的程度甚至有超乎我當初的想像。
即使長居香港也出奇地有用
當初我是為了開設英國銀行戶口作為離岸戶口以擺放資金，所以才有了養個英國電話號碼的念頭。當時選擇了 giffgaff，主因是用它在香港去養電話號碼的成本極低，Pay-as-You-Go 計劃一年也用不著 £10（約 HK$100），也不需要什麼實名認證！
後來可以去歐洲旅行時，帶著 giffgaff 電話卡去英國和歐盟國家旅行也極度便利。£10 就可以買到 1 個月的電訊服務，除了有無限的本地通話分鐘外、還有 15GB 數據可使用！而更便利的是這 15GB 的限額裡有 5GB 是可以在法國、希臘等歐盟國家裡自由使用，而剩下的 10GB 就只能在英國用。而這也就是一卡在手、27 國通行的概念（!?）
然後稍稍離一離題，最近有一波 AI 人工智能的熱潮、網上開始有不少 ChatGPT 的討論，看著看著也會想動手試玩。但由於它仍在測試階段、並未向香港用戶開放使用，因此註冊時亦不支援香港的電話號碼。但用英國的電話號碼就可以註冊和試玩到 ChatGPT，而這點是我從沒想過會有的「福利」。
而且現在我們只需要上網填個表，giffgaff 就會將 SIM 卡直寄我們在香港的地址，我們足不出戶就可以領取到它！我覺得即使肉身在香港都好，養個英國電話卡號碼也是物有所值的。
更別說是要移民英國
也就更別說如果你有移民英國的打算了！那是一定要申請張 giffgaff SIM 卡的！
giffgaff 卡方便的地方是我們可以在香港就激活這張 SIM 卡並知道它的電話號碼、可以免費收到這個英國電話號碼的 SMS。因此，我們也可以在出發前事先將香港的銀行、Social Media 等戶口解除綁定的香港電話號碼，然後改綁這個英國號碼。這樣就不需要擔心去到英國後用不了原有的戶口。
而在香港用 giffgaff 時，我們可以選用 Pay-as-You-Go（隨用隨付）的模式去付款，這般在香港養這個電話號碼一年也用不到 £10（約 HK$100）。待我們到埗英國之後，我們再轉用 goodybag 的月費模式也未遲，而這個彈性也是值得稱讚的！
giffgaff 英國使用實測
「英國手機網絡基建落後」是件常被大家究病的事，我們也時不時會在論壇上看到有人說完全無法在 Tube（地鐵）裡上網。這是不是真有其事？
的確是，在倫敦大部份的地鐵線路裡，我們都無法用手機上網。但這並不是 giffgaff 獨有的問題，即使轉用其它電話台也會有同樣的問題。這是一個整體基建落後的問題，並不是 giffgaff 獨自的問題。
（圖片可點擊放大。）
至於平日用 giffgaff 上網順暢嗎？我自己是住在倫敦 M25 以外的郊區，在只有兩格信號的情況下以 4G 上網的速度就如圖中所示。
giffgaff 的數據上網堪用嗎？我自己平日只會用電話上上 Facebook 等社交媒體、用 Telegram 傳傳短訊和間中看看 YouTube，我自己覺得夠用。但因為不知道你的使用習慣，所以無法為你下結論。
常見問題
可以，而且收 SMS 是免費的。giffgaff 在香港會使用 CSL 的網絡來傳送／接收 SMS，而且接收 SMS 是免費的。
可以，在 2025 年 10 月前官網填表即可免費郵寄到香港地址，約需 14 個工作天。但現在已經不再直寄香港，我們需要使用轉運服務才能在香港領取到 giffgaff 電話卡。另外，我們 FlyAsia 手上亦有少量 giffgaff 現貨，可在香港本地領取和寄送。
實測過可以在香港 Activate giffgaff 電話卡。
最大的優點是 giffgaff 卡可以足不出戶地免費領取，就只需要填好表後它就會由英國寄來香港；而不像 3uk 般要自己出去鴨寮街等地方購買。
有的，我們可以不用上台、不用每個月都交月費，並以 Pay as You Go 的形式養一個英國電話號碼。而 1 年累積下來的成本連 HK$100 都不用！
giffgaff 卡的電話號碼是隨機分配的，我們並未能自選心宜的電話號碼。
可以啊。
可以，不過 giffgaff 會按漫遊服務的收費標準去收費，因為收費為每分鐘收費 £1，所以基本上是不會用它在香港撥打／收聽電話啦。
我們可以用 Visa、Mastercard 等信用卡去增值 giffgaff 卡。
有，啟用漫遊功能後就可以在英國以外的地方（例如香港）接收 SMS、傳送 SMS、接聽電話、打出電話。
可以。初次使用 WhatsApp 時，我們需要接收 SMS 以驗證我們是相關電話號碼的使用者，而 giffgaff 不論是在香港或英國都可以收到 SMS，所以不論是在香港或英國都能申請到 WhatsApp 賬戶。
假設你的電話號碼是 07123456789 好了。如果對方也是在英國，他就可以直接在電話裡輸入 07123456789 就可以找到你；如果對方是在英國以外的地方打長途電話找你，那麼他就需要輸入區號和把前方的 0 去除，以 +44-7123456789 這個電話就能找到你了。
每 6 個月至少發送一次 SMS（約 £0.3），一年費用不到 £10。
由 £6 至 £35 不等，提供不同數據量，全部都包含無限通話和短訊。
需要每 6 個月至少使用一次服務（如發 SMS），否則會被停用。
不需要實名登記就可以使用。
在 giffgaff APP 免費申請 PAC 碼後就可以攜號轉台到其他英國電訊商。
Giffgaff 在香港使用 CSL 網絡，一般都能收到驗證碼。
有，但獲取 eSIM 的前設是先要有張實體的 SIM 卡，激活後就可以免費申請轉換成 eSIM。
用 AI 查信用卡回贈、航空里數或優惠碼，擔心條款過時或內容出錯？
將 FlyAsia 設為 Google 首選來源，在 Google 搜尋時便會優先看到我們逐項核實的最新優惠與里數資訊。
加入 Google 首選來源
goodybag 每月自動扣數是否是由購買日開始計30日?
yes
goodybag 每月自動扣數是否是由購買日開始計30日?
yes
Hi,我第一次買了Pay as you go $10 怎樣購買 goodybag ?可否買一次, 我不想每月自動扣數
怎樣取消 payment?
lee 度有幾個 logic 要分開理解～
1. Pay as you go 係只要我哋冇買任何 goodybag 就會計我哋係 pay as you go，lee 段時間入面會按量收費～ 所以唔存在「用 GBP10 買咗 Pay as you go」嘅講法／做法～
2. 我哋增值落去 giffgaff 果 GBP10 係以 credit 嘅形式存放咗係 giffgaff，而 pay as you go 打電話 / send sms 果陣就會 lee 堆 credit 度扣～
3. 當 credit 用盡之後，如果你有允許佢做 auto top up 嘅話，佢就會係你 credit card 度扣錢～ 唔想 auto top up 嘅就 off 咗佢就得～ 詳情可以睇睇下面張圖～
4. 如果你係買 goodybag（而唔係用 pay as you go）嘅話，咁你要做嘅就唔係熄個 auto top up，而係要熄個 recurring goodybag~
我怎樣查訽 balance?
其中一個 check balance 嘅方法係 log-in giffgaff app，然後拉落底就會睇到～ 不過係香港 log-in giffgaff app 唔係好 stable，有時要連英國 VPN 先用到～
如果唔想用 app 嘅，直接 log-in giffgaff 官網都應該可以 check 到～
我已收到giffgaff card 和購買了$10 pay as you go,請問 有多少GB ?是否一次性
是否用完再增值
如果你係用 Pay as you go 嘅話，咁佢係按你嘅用量收費～ 每打／聽一分鐘電話都要錢，每 send 一個 sms 都要錢～
而換個理解方式，如果一直唔打電話、每半年 send 一個 sms keep 翻個號碼有效嘅話，咁其實可以用到好耐（以年計）～
你好，最近收到giffgaff電郵告知我要動一動戶口，否則戶口可能會被取消。問題來了，我試過很多方法，打電話、短訊都不能發出，戶口尚有19磅左右，應該怎麼辦？通常可以發短訊到那裡？謝謝。
應該怎麼辦？
^send 一個 SMS，同埋記得開 roaming 嘅功能～
通常可以發短訊到那裡？
^ random send 去一個英國電話號碼就得～ google 求其 search 都可以 search 到～ 又或者你將自己個電話號碼最後果隻數目字改咗佢都已經係一個電話號碼了～
開了roaming，但都係唔得，我打*100#出了以下文字：
“your giffgaff balance is 19.39. It’s free to call and text anyone on giffgaff when you top up by 10 or more every 3 months, so get your mates on board.”
係咪要每3個月top up一次 /_\
3 個月 free call lee 個係 giffgaff 另一個功能嚟，你當係類似舊時香港果啲同台免費 Send SMS 嘅優惠～ 只要 3 個月內有增值過就可以免費（我估只限英國本地）打俾同樣係 giffgaff 嘅用戶～ 簡單嚟講就係唔關事～
至於點解 send 唔到 SMS 出去、或者 send 完佢竟然冇扣到錢呢⋯⋯ 我都真係冇遇過咁嘅情況～ Lee 個 case 可能要開 ticket 搵 CS 幫幫手～
https://www.giffgaff.com/support/ask
你好，剛收到新卡後，計劃兩個月後到英，請問
1. 最遲需何時activate sim 卡
2.需要同時選購上網嗎？上機前才選plan可以嗎？
3.獲贈£5可即時用嗎?
Thx
Apple
1. 最遲需何時activate sim 卡
冇限時間，可以上機前 activate、可以到埗先 activate、都可以落地住一排先 activate～
2.需要同時選購上網嗎？上機前才選plan可以嗎？
可以，如果咩上網 plan 都唔買嘅就會用 Pay-G 按量收費～ 買咗 Plan 就會按個 Plan 嘅價錢收月費～ 你 land 咁英國之後搵個 wifi 上網再買月費 plan 都未遲～
3.獲贈£5可即時用嗎?
activate 咗張卡就可以用～可以用嚟俾 Pay-G 同普通 goodybag 嘅錢～
Hello 想請問一下，giffgaff Pay-G 個 bill 係咩樣噶？應該有電子版？上面係唔係可以顯示地址？（如果我想用來做 proof of address 個話）
giffgaff 嘅賬單可以係 desktop 版 [ 右上角 Profile > My Account > My orders & payments > Your orders > view details > 右上角 VAT Receipt ] 度搵到～ 個樣會係下面咁嘅，當中個地址 default 會 take 我地當初收件果個香港地址～ 所以如果你想佢 show 英國地址嘅話，可能要改咗個地址之後再 top-up 多次先 gen 到一個 show 英國地址嘅收據～
你好～我張卡開左一段日子，有每半年send一send過訊息，但今日用張sim卡時係用唔到，個app又入唔到，想問下可以點做？
試試經 lee 個 page 個底果兩條 link 去搵 giffgaff support 幫手，睇睇係咩情況～
https://www.giffgaff.com/help/articles/can-i-call-giffgaff
好～我去試試～唔該你🙂
我已於第一個 6 個月內少使 giffgaff 的服務一次, 但系統表示我要增值, 同時顯示如下:
To extend your free giffgaff to giffgaff calls and texts for another three months, top up before 20 APR 2022
即3個月後要增值, 所以應該係30磅一年, 我是否錯? 請指教. 謝謝
你宜定用緊嘅 Plan 係唔係 Pay-G? 因為理論上 Pay-G 並唔會有 Free calls & texts，每講嘅一分鐘電話同 send 嘅每一個 sms 都要收錢～
而 Free calls & text 通常係買完 goody bag 先會有，所以我估你係買咗啲 goody bag～ 如果係普通 goody bag（唔係 golden goody bag）嘅話，log-in 再人手 set 佢唔好自動續期，完咗個 service period 佢就會識自動跌落 Pay-G～ 然後就每 6 個月 send 一次 sms 就可以 keep 到個電話號碼～
係唔係要入10£ 先可以用？
yes~ 不過淨係 send sms 嘅話 10gbp 夠用好耐~
Thanks,入左10gbp後開卡成功。
每180日send條短信即可留號，係唔係唔洗每年不停再入10gbp？
now phone number account有14左右gbp ,想keep number每180日send條短信,玩完哂14.xxgbp先再充？
Thanks,入左10gbp後開卡成功。
^congrats!
每180日send條短信即可留號，係唔係唔洗每年不停再入10gbp？
^correct
now phone number account有14左右gbp ,想keep number每180日send條短信,玩完哂14.xxgbp先再充？
^correct
想問樓主：
1.如果係香港用黎打同埋接收英國冇問題嗎？
2.如果將來去到英國可以帶號碼過第二個台嗎？
1. 理論上得，但冇實測過～
2. 理論上可以，giffgaff 嘅教學如下，但同樣冇實測過～
https://www.giffgaff.com/help/articles/how-do-i-take-my-current-mobile-number-with-me-to-another-network
請問如半年內接收一個SMS也可算巳active了嗎？Thanks
收唔計，因為收 sms 唔洗錢，郁唔到個 balance~ 要 send sms 洗咗錢先得～
明白，我剛用Sim card send SMS 去香港嘅號碼巳加咗 十852 都無收到短訊？
Thx.
sorry~ 拖到今日先有時間做實測，所以今日先覆到~ 我啱啱再做咁次實測，係由 giffgaff send SMS 去我香港嘅電話，而我係有加自己香港個電話做聯絡人（唔知有冇影嚮）~
測試嘅結果係有成功收到嘅，而 giffgaff 都有 SMS 同我請有成功扣到錢（中間張圖）
Thx
我分別係6月尾同7月尾都填過2次申請free sim, 但一直都冇收到card, 但又收到佢email 提我activate, 唔知點樣申請先可以收到呢
To be very honest，我都唔知點解會有咁嘅情況出現，因為國際平郵似乎間唔中就會出現咁嘅情況，我 lee 邊平均一個月就會聽到 1-2 單咁嘅 Case～
解決方法就一係換個地址（eg. 公司地址）試試，又或者直接放棄、然後去鴨記買電話卡 😟
我張giffgaff 用visa card 比咗兩次 GBP10, 但唔見佢有增值到。我係咪要再做什麽先可以增值?
咁佢有冇真係收到你錢？有嘅話就問問 CS，睇吓點解 Miss 咗個 Transaction~
冇真係收到你錢嘅話，咁就可以試多一個 Case，就係經 PayPal 去增 giffgaff，因為我果陣做實測都係用 Lee 個方法去增嘅～ 如果都係唔得嘅話，就又係要搵 CS 睇下點解了～
Hello作者你好。請問如果暫時只係香港用，在香港send出sms，是否+852……就得呢?另外，由香港send出sms去英國給朋友，怎樣操作? 謝謝回覆。
請問如果暫時只係香港用，在香港send出sms，是否+852……就得呢?
^yes
另外，由香港send出sms去英國給朋友，怎樣操作?
^照入翻英國電話號碼就得啦～
我想出一張sim咭給兒子到英國留學用，主要是落機後可以上網，搵路、報平安等。這張卡是否合適？
可以啊，不過 lee d case 就唔好用 pay-as-you-go 啦～ 買個月費計劃會啱使小小～
請問 giffgaff 在英國可否收到HK的SMS?
理論上 sender 可以將 SMS 由香港 send 去 giffgaff 個英國電話號碼～ 但我就冇實測過啦～
但咁樣國際間 send SMS 都唔平，我就咁求其 search 下，如果個 sender 係用 CSL 去 send SMS 嘅話，一隻 160 字嘅 SMS 就要 3 蚊～
請問giffgaff 係英國係用邊個台，接收得好唔好？
應該係 O2，但冇係英國實測過接收得好唔好～
請問月費計劃巳經用剩5GB
怎樣增埴
giffgaff 有個叫 golden bag 嘅物體，應該就係額外嘅 data pack 可以買黎用～
http://www.flyasia.co/wp-content/uploads/2021/05/giffgaff-golden-bag.jpg
請說明除了英國本土可使用 Giffgaff以外其他歐洲大陸國家可以使用嗎？
可以用住 Giffgaff 打電話回香港嗎? 例如處理銀行業務都是很麻煩的事情 ，需要很多時間收聽錄音指令， idd收費怎麼樣？
roaming 嘅收費可以係 Lee 度 check 到～
https://www.giffgaff.com/roaming-charges
但前題係雖然我地係用 giffgaff 個電話號碼去登記啫，我地唔一定要用翻 giffgaff 個電話號碼去打電話～ 因為打長途電話用 Skype / Google Voice 會更平，係上唔到網先會考慮用 giffgaff 去打電話～
我3月中，申請giffgaff 卡，填同一個姓名 / Email / 地址…..三次，一個禮拜就同時間收到三封信三張卡。
係架，佢地係填幾多次表就出幾多張 sim 卡～ 如果自己用唔著咁多張嘅話，都可以俾身邊嘅親友用~
我地填表果陣提供嘅資料就只係用黎收信，而唔係用黎開戶，亦都所以點解後續 activate 果陣又要填多次資料～ 換個講法，即係 Mr. A 拎嘅卡俾 Mr. B 用都冇 registration 上嘅問題～
請問activate 張咭後,點樣知道張咭係電話號碼呀??唔該哂
log in app 就可以睇到個電話號碼啦～
點解發短訊被香港嘅手機號碼都唔得？係唔係要加區號？多謝！
啱啱做左個小測試，我由 giffgaff send SMS 去我香港個手提電話號碼～ 我有加 +852 再打個電話號碼，有成功收到個 SMS
請問有試過過咗半年唔記得用下張電話號碼, 之前已TOPUP一次, 請問可以點做呀? 因為呢個號碼有用黎申請TRANSFERWISE, 想KEEP 返. 先謝謝你回覆!!
你試下睇下個 no. 係咪真係用唔到先，如果用得到就皆大歡喜；但唔得嘅，係我嘅認知入面係冇方法解決⋯⋯
想知道由hk打去uk, 漫遊點收費。
//Calls & voicemail (charged in per second increments after first 30 seconds) £1 per minute//
https://www.giffgaff.com/roaming-charges
請問如果暫時只係香港用，可以係香港send出sms？
可以
還有，什麼是 Auto top up ?
我未用過 lee 個功能～ 但我估似係用晒 d credit 之後自動扣綁定咗嘅 credit card / debit card / paypal 之類～
我1月31號填form, 2月6日收到卡
謝謝 data point~
唔好意思，我聽聞使用英國Giffgaff 需要回英國連線，否則使用超過13天就會斷線，是否真的？如果係甘，到時只能打出打入和Keep number?
英國連線? 有小小唔 get 你指緊咩～
我想問如果有每半年sms一次，係唔係都要每年入10磅去extension?定只要每半年用sms直到冇錢先再增值？
只要每半年用sms直到冇錢先再增值
1個月前已經activate張電話卡仲用信用卡比咗10鎊, 到1個月後佢係信用卡自動扣數
但我個人係香港, 係網頁login 又睇唔到payment history,唔知發生咩事
當時係唔係選擇 Pay-as-You-Go (PayG)? 定係當時買左 goodbag? 如果 PayG 嘅話應該唔會自動扣錢先岩～
Log-in 嘅問題可以試下連個英國 VPN 睇睇～ 我有時用電話 giffgaff app 都會 log-in 唔到（但真係一時時～）
我1月2號填form, 今日收到卡
謝謝分享 data point 😀
想問下如果開咗張卡之後如,如果係香港用的話，電話個設定係咪要設定漫遊服務先用到CSL?
如果只係收 message 嘅話，我就係插卡就即刻收到 message (測試環境：iphone 11）
至於如果想收埋電話就未試過啦，但相信要 set 完、開完 roaming 先可以收到電話～
請問這張電話咭衹是打電話收或收sms之用如果上網睇youtube或收whatsapp 就唔適合仲好貴？thx
你香港定英國用先～ 香港就點都貴，因為計漫遊，所以收下 SMS 就好啦～ 英國用既就買月費 Plan 啦～
hello 我岩岩試左幾次，但係好似已經冇呢個服務了～佢話要係英國先得，簡唔到香港
ummm… 我岩岩 test 多左次，我填香港地址都仲得 wor~ 我測試既環境係冇開 VPN、Desktop 開 Safari 咁入 Giffgaff 既～
你既詳細情況係點？係入左 giffgaff 後填唔到表？定你填完表、交完、但佢後手同你講唔得？
補多張圖，我入條 link 果陣係咁既樣既～ Hong Kong 果欄係 pre-fill 左～
請問giffgaff的電話號碼有冇提供多幾個號碼可選擇？請問在哪個步驟，麻煩指教！
冇啊～ no. 係隨機分配既
請問在香港activate咗張SIM咭£10 for1年，
但是2、3個月後就到UK，到UK後想轉每月£12/10GB, 怎樣轉呢? 請敎教我方法和步驟
係 giffgaff 既世界入邊，月費計劃係叫 goodbag~ 你係 homepage 就搵到佢，㩒入去就可以選擇翻你個月費 plan 每月有幾多 gb data
Activate 左張卡後打唔出(打香港號碼)，sms 都唔得，係咩問題？
最後開左 Roaming 上網一分鐘到，見個 ac 扣左£1.5左右，係咪已經計‘使用’過？
Activate 左張卡後打唔出(打香港號碼)，sms 都唔得，係咩問題？
^正常啊，因為你用一張英國卡、係香港、唔開漫游咁打一個香港電話，打唔到都好正常（打到先驚。）
最後開左 Roaming 上網一分鐘到，見個 ac 扣左£1.5左右，係咪已經計‘使用’過？
^計；或者 send 一個 SMS 去英國電話 no. 度都計～
請問呢張卡係咪當漫游咁用？即係HK打去UK或UK打黎HK？定係for UK 到步後用的？THX~
主要 for 到步後用～ 或者有時開英國 account 果陣會要求我地提供英國電話號碼，咁就可以用佢黎收 SMS 做驗證～
謝謝呀，我收到卡了，即是14天內便收到～請問我可以離開香港前才activate張卡的嗎？還是收到後有期限要求幾耐要activate架？TKS~
幾時都可以啊～ 不過 activate 左之後每半年至少要用一用佢，咁先可以 keep 到個電話 no.
感謝你呀
唔知係咪改咗Policy呢？佢似乎一定要填英國Postal Code, 而且亦冇得比你揀邊個國家或地區，喺個主頁我又搵唔到有詢問嘅方法。
唔係 wor~ 我岩岩試左填表拎多張卡，用香港地址、ZIP 填 000 成功 Pass 到 wor~ （測試環境：Desktop & Safari & 冇開 VPN）
唔該哂！原來用App係冇問題，我開頭用網頁版，就冇得揀國家同一定要英國postcode. 而家用App已登記，謝謝。
每 6 個月內至少使 giffgaff 的服務一次，咁其實一年都唔駛10磅喎?
唔洗啊～ 但第一下增值果陣至少要入 10 鎊，所以就 take 左 lee 個數字～
如果條題改做《免費領取 giffgaff SIM 卡！養個電話號碼每年不用 HK$10！》既話，當你 click 到入黎發現其實係要入 HK$100 落去慢慢摵既話，就會有種 misleading 既感覺～ 所以先唔咁寫條題～
第一次增值了GBP10, 如一年後未用完，是否每年都要增值GBP10?還是差不多用完才需要增值？
差唔多用完先再增～ 但就記得每半年用到個 no. 黎 send SMS，keep 翻佢 active～
Thanks!!
請問在UK可以當 wifi hotspot 用嗎？
未試過，但我估可以～ 收費如下～
https://www.giffgaff.com/sim-only-plans
FAQ 有講可以當hotspot
https://www.giffgaff.com/help/articles/can-i-tether-from-my-phone
可唔可以剩係買上網咭，唔要英國電話號碼
佢會 send sms 去 verify 個電話號碼 wor~
我意思係，可唔可以選擇唔用英國電話號碼，張咭只係可以上網用就得
佢點都會跟個電話號碼俾你，而用唔用係你既選擇～ 你喜歡既都可以淨係用黎上網，但係佢上網 plan 唔平～
攪咗兩次，個幾月都收唔到卡
有冇人知咩事？
有收到ok已寄出的電郵的
轉個地址試下？我都係第一次聽到 lee 款 case
即係買giffgaff咭一定會有個英國電話號碼？
有啊～ 每半年用一用佢就可以 keep 到個 no.
我13/8登記， 8/9 才收到，是疫症影響吧。唉…
我都要一個月先剛剛收到
宜家一個月算快 😂 我早排係英國買左書寄黎香港，等成我成兩個月先收到～
請問 giffgaff 到, sim card 是否只限寄去英國, 因我填入資料後, 佢顯示必須要入 UK postcode
試下 000 佢？ 我 5 月果陣先用香港地址收完～
謝謝回覆！
先謝謝你提供的資料！
請問是否要啟動漫游功能， 才可以接收到由英國發來的短訊？
我印象中我冇開，就咁插卡都已經自動收到（利申：當時係用緊 iPhone，唔知 Android 係咪都係一樣）